425 sendagai finantzaketa publikotik kenduko ditu Osasun Ministerioak
Ana Mato Osasun, Gizarte Zerbitzu eta Berdintasun ministroak eta erkidegoetako Osasun arduradunek 425 sendagai abuztutik aurrera finantziazio publikotik kentzea erabaki dute, ondorioz, hilabete horretatik aurrera herritarrek sendagai horien zenbateko osoa ordaindu behar izango dute.
Osasun Sistema Nazionaleko lurralde arteko Batzordean hartutako neurri hori dela eta, finantzatutako zerrenda gaurkotu da lehenengo aldiz duela 10 urtetan. Halaber, neurri honek gaixo kronikoentzako salbuespenak jasotzen ditu, baita "medikuek erabakitzen duten kasu horietan ere", Matok azaldu duenez. Erabaki horrekin 458 milioi euro aurreztea aurreikusi dute.
Lau ordu baino gehiago iraun duen bileraren ostean, finantzaketa publikoa izateari utziko diotenak 19 talde terapeutikotako 425 sendagai izango direla erabaki dute. Halere, sendagaien zerrenda noizean behin berrikusten joango dira.
Ministroaren esanetan, horiek ez dituzte sintoma ahulei aurre egiteko sendagaiak direlako hautatu, ezta kostu txikiagoa dutelako ere, "ondorio terapeutiko baxuagoa eskaintzen dutelako" baizik, eta "gaixotasun larriagoentzako sendagai berritzaileen aldeko apustua egiteko aukera" izango dela nabarmendu du.
Koordainketa berria, prest
Uztailaren 1ean indarrean sartuko den koordainketa farmazeutiko berriaren inguruan zintzilik geratzen ziren ezaugarriak ere zehaztu dituzte bileran. Horren harian, Matok erkidegoei legala dena betetzera behartuta daudela esan die. Halaber, Eusko Jaurlaritzak koordainketa berriari uko egiteko bultzatutako araudia argitaratuta ikustera itxarongo duela azaldu du, akzio legalen bat hartu ala ez erabakitzeko.
Halaber, koordainketa berriak ezarritako muga (hilean 8 edo 18 euro errentaren arabera) gainditzen duten pentsiodunen diru-itzultzea "azkartzea" eskatu die kontseilariei, hiru hilean edo sei hilean behin emateko.
Orain arte politika farmazeutikoan hartutako neurrien bitartez, Osasun Ministerioak 2.200 milioi euro aurreztea aurreikusi du, baita Osasun Sistema Nazionalaren egonkortasuna eta unibertsaltasuna bermatzea ere.
Bengoak ez du Osasun dekretuaren zati bat aplikatzea baztertu
Rafael Bengoa Osasun sailburuak ez du baztertu Osasun dekretuaren zati bat Euskadin aplikatzea, Radio Euskadiri eskainitako elkarrizketa batean azaldu duenez.
Bengoak Gobernuaren jarrera kritikatu du erkidegoen inguruko erabakiak eurek zer pentsatzen duten jakin gabe hartu dituelako. "Erabaki zentralizatuak hartzen ari dira autonomia erkidegoen gain eta ez autonomia erkidegoekin", azaldu du.
Halaber, bere gain solidarioa ez dela esatea deitoratu du "egunero irtenbideak emateko lan egiten ari garenean, baita estatu mailan ere". Bere hitzetan, hartzen ari diren neurriekin bat ez dagoela esatea onartzen du, baina ez "solidarioa ez" dela. Etorkizunean sendagaien zerrendaren inguruko neurria Euskadin ezarriko den galdeginda, Bengoak esan du oraindik "goizegi" dela horri erantzuteko, eta erabakitzeko prozesuan ez dela partaide sentitu gaineratu du.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.