Langabeek sendagaiak ez ordaintzeko dekretua onartu du Jaurlaritzak
Eusko Jaurlaritzak osasun sistema publikoa "EAEn bizi diren guztientzat" unibertsala eta doanekoa izatea bermatzen duen dekretua onartu du gaur.
Gobernu bileraren ostean egindako prentsaurrekoan, Rafael Bengoa Osasun sailburuak azaldu du dekretuak mantendu egiten dituela sendagaien prezioen ekarpenak, baina salbuespenak jartzen dituela: langabezia-prestaziorik gabeko langabeak eta diru-sarrerak bermatzeko errenta (RGI) dutenak. Haien kasuan, sendagaiak doanekoak izango dira.
Bengoaren esanetan, Jaurlaritzak baditu "funts nahikoak" neurria ezartzeko. Bihar, Osasun Ministerioa eta erkidegoetako Osasun sailburuak batzartu egingo dira, eta, ostegunean, Bengoak neurriari buruzko zehaztasun gehiago emango ditu.
Osasun sailburuak gogorarazi du herritarrek sendagaien prezioaren % 40 ordaintzen jarraituko dutela, baina, Espainiako Gobernuaren dekretuak onartzen duen bezala, prestaziorik gabeko langabeek doan izan ahalko dituztela. Hori bai, berrikuntza gisa, doakotasuna RGIa jasotzen dutenei ere zabaldu diete EAEn.
Halaber, EAEko herritar batek kanpoan erosten badu sendagaia, ordaindutako gehigarria bueltan jasotzeko eskubidea izango du.
Jaurlaritzak uste du neurriak 3 milioi euroko kostua izango duela urtean. Uztailaren 1ean sartuko da indarrean.
Zure interesekoa izan daiteke
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.
1.778 ikaslek eskatu dute USaPeko euskara azterketa berrikustea
Behin betiko emaitzak datorren astelehenean argitaratuko dira. EHUko errektoreak zehaztu duenez, "ez dute baloraziorik egingo probaren emaitzari buruz"; izan ere, kalifikazioak, une honetan, "behin-behinekoak dira eta berrikuspen prozesuan daude".
Noiz jakingo ditugu USaPeko notak?
Datorren astelehenean, ekainaren 22an, unibertsitatera sartzeko probetako behin betiko notak argitaratuko dira, baina ikasleek azken aukera bat izango dute: azterketak ikustea.
500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
San Mamesen eta garraio publikoan aldaketak egiteko eskatu zion FIFAk Bilbori
Udalak berretsi egin du 2030ean jokatzekoa den Munduko Txapelketako egoitza izan nahi duela, baina "ez edozein preziotan".
Txirrindulari bat hil da Forondan, auto batekin istripua izanda
Ezbeharra 08:50ak jo barik zeudela gertatu da, A-4306 errepideko biribilgune batetik gertu.
Osakidetzak 17 pertsona txertatuko ditu berriro Bilbon eta Lasarten, hotz-katearen akats baten ondorioz
Osasun Sailak onartu egin du EH Bilduk salatutako hotz-katearen akatsa, eta berriro txertatuko ditu kaltetuak: bost Lasarten eta hamabi Arangoitin. Rebeka Uberak gertatutakoa "ulergaitza" dela esan du, eta gogora ekarri du orain gutxi iraungitako txertoekin Osakidetzan izandako polemika.
Eibarko Udalak ezohiko osoko bilkura egingo du arratsaldean sokamuturren etorkizunaz eztabaidatzeko
Bilkura 19:00etan egingo da, eta bozketa ez da loteslea izango. Bien bitartean, ordu erdi lehenago, 18:30ean, elkarretaratzeak egingo dituzte Udaletxe kanpoan sokamuturraren aldekoek eta aurkakoek.