Ikaskideek mutiko bati jazarpena egiten diotela salatu dute Plentzian
Hamabi urteko mutiko batek Plentziako (Bizkaia) institutuko ikaskideengandik jasotzen duten jazarpena salatu dute gurasoek Ertzaintzaren aurrean. Ikaskideek mehatxuak eta irain homofoboak egiten omen zizkioten haurrari etengabe, eta ondorioz, mutikoak antsietate krisiak izan ditu.
El Correo egunkariak argitara eman duenez, DBHko lehenengo mailako ikaslea beste eskola batera eraman behar izan zuten pairatzen zuen jazarpenagatik, baina eskolaz aldatuta ere, jazarpenak bere horretan jarraitzen du.
Jazarpen kasu larri baten ondoren erabaki zuten gurasoek salaketa jartzea. Ertzaintzari azaldu ziotenez, ikaskideek biktima inguratu eta, helduta zutela, iraindu eta mehatxatu egin zioten Sopelako jolastoki batean.
Haurrak antsietate krisiak izan ditu erasoengatik eta Gurutzetako ospitalean artatu behar izan ditu behin baino gehiagotan. Gainera, depresioaren kontrako tratamendua jarri diote.
Eskolaz aldatu zen
Adingabeak Plentziako institutuan hasi du ikasturtea eta hasieratik izan ditu arazoak, izan ere, autobusean bertan jasaten zituen erasoak. Hala eta guztiz ere, autobuseko arazoak konpontzea lortu zuten, gidariak esku hartu zuelako eta erasotzaileen gurasoekin hitz egin zutelako.
Baina ikaskideek mutikoari eraso egiten jarraitu zuten, jantokian, atsedenaldian eta gimnasia eskoletan. Hori horrela, haurrak atsedenaldian liburutegira joatea erabaki zuen, eta etxekoei eskolara ez zuela joan nahi esaten zien.
Egoera horren aurrean, gurasoek psikologoarenera eraman zuten, eta horrek psikiatrara bidali zuen kasua. Psikiatrak depresioa diagnostikatu zion eta lasaigarriak eman zizkion.
Hala ere, egoerak ez zuen hobera egin, eta psikiatraren agiriarekin ("eskola jazarpenagatik antsietate arazo larria du" zioen agiriak) eskolaz aldatzea eta Sopelara eramatea lortu zuten.
Jazarpenak jarraitu egin zuen
Haurra gustura hasi omen zen eskola berrira joaten, ikaskideek ondo tratatzen zutelako. Baina, azkenean, ikaskide ohiak bere bila joan ziren eta, Sopelako jolastoki batean aurkitu zutenean, irainekin eta mehatxuekin jarraitu zuten.
Zure interesekoa izan daiteke
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.