Amaitu dira Nerudaren arrastoak hobitik ateratzeko lanak
Pablo Neruda Txileko poetaren arrastoak hobitik ateratzeko lanak amaitu dira Mario Carroza epaileak jakitera eman duenez. Honek burutzen du Nerudaren heriotzaren zergatia argitzeko auzia.
Literaturaren Nobel Sariaren arrastoak dituen kutxa hilobitik atera dute, Uharte Beltza herrian. Bertan lurperatu zuten hirugarren emaztearen gorpuarekin batera.
Lanek ordubete iraun dute, eguraldiak eta baldintzek lagundu baitute. Nerudaren hilkutxa eta Matilde Urrutiarena bananduta zeuden, beraz, lanak uste baino errazagoak izan dira.
"Segurtasun neurri guztiak bete dira, edozein kutsadura ekiditeko. Kutxa osorik atera ahal izan da", esan dute, Gainera, Rodolfo Reyes poetaren ilobak hilkutxako inskripzioa ezagutu duela gaineratu du, "identifikazioaren gaia beraz, argi dago", azpimarratu dute.
Kutxa hautsi eta X izpien analisia eta gero, arrastoak Santiagoko Auzitegiko Medikuntza Zerbitzura eraman dituzten. Bertako zuzendariak ez du zehaztu noiz jakingo den Neruda pozoituta hil zen ala ez, ezta arrastoen azterketa atzerrian egingo duten ala ez. Hala ere, iturri horren arabera, analisiek hiru hilabete iraun dezakete.
Pako Etxeberria
Auzitegiko mediku gipuzkoarra eta beste hamabi aditu Pablo Nerudaren heriotzaren zergatia argitzeko lanetan egon dira, Txilen. Minbiziaren eragin zuzenagatik ala pozoituta hil ote zen ebaztea dute helburu.
Lan horren aurrean, Etxeberriak azaldu duenez, "ez dugu inolako hipotesirik". "Hainbat bide daude aztertzeko, baina auzia zaila da, beste batzuk baino zailagoa, arazo toxiko batez ari garelako", azaldu du auzitegiko medikuak. Orain, Literaturaren Nobel sariduna minbiziaren ondorioz edo pozoituta hil ote zen argitu beharko du hainbat adituk osatutako taldeak.
Askatasuna
Halaber, "Txilen ez dugu inoren presiorik jaso, ez aldekoa ezta kontrakoa ere. Inork ez digu esan zer egin behar dugun", azaldu du forentseak, "askatasunez egingo dugu lan, Txileko Gobernuak bitarteko guztiak eskaini dizkigu eta baldintza ezin hobeak izango dira, logikoa denez, lan horrek komunikabideen interesa piztu duelako".
Zurrumurruak
40 urte igaro dira Neruda zendu zenetik. Ofizialki, prostata minbiziagatik hil zen, baina Neruda Alderdi Komunistako militantea izateak eta bere azken egunetako informazio batzuek pozoituta hil ote zuten susmorako bide eman dute.
Gauzak horrela, zalantzak argitzeko pauso guztiak grabatuko dira, froga baliagarriak izan daitezen epailearen aurrean. "Analisi kimikoak laborategian egin behar dira. Indarkeriak eragindakoa baino zailagoa da egiaztatzen, ez ditu hain zantzu nabarmenak uzten", adierazi du Etxeberriak.
Gorpuzkien kontserbazioa garrantzitsua izango da laborategiko azterketarako, baina hil aurretik hartzen zituen botika eta gorabehera guztiak jakiteko mediku historia aztertu beharko dute.
Zure interesekoa izan daiteke
Jendetza bildu du Korrikak Maulen
Arratsaldeko 17:00ak baino minutu batzuk lehenago iritsi da Korrika Euskal Herriko lehen hiriburura, Maulera. Gazte zein heldu, jende andana aritu da lasterka lekukoaren atzetik eta une dibertigarri eta politak bizi izan dira Zuberoako hiriburuan. Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.