Jean Haritschelhar euskaltzaina hil da
Jean Haritschelhar euskaltzain, politikari eta literatura ikerlaria zendu da igande honetan Miarritzeko klinika batean, hainbat egunez larri egon ostean.
Hil-kapera astelehenean zabalduko dute Baionako beilatokian, 09:00etan, eta 19:00ak arte egongo da irekita; hileta-elizkizuna, ordea, asteazkenean izango da Baigorrin, bere sorterrian, 16:00etatik aurrera.
1962ko uztailaren 27an euskaltzain oso izendatu zuten, eta Euskaltzaindiko presidente izan zen 16 urtez, 1989tik 2005era bitartean. Andres Urrutiak ordezkatu zuen karguan, eta 2006ko uztailaren 20an euskaltzain emeritu izendatu zuten.
Haritschelhar 1923ko maiatzaren 13an jaio zen Baigorrin, baina gaur egun Angelun bizi zen. Letretan doktorea, Ageneko lizeoko irakasle izan zen 1952tik 1959ra bitartean, eta euskara eta literatura irakasle izan zen Bordeleko Unibertsitatean. 1988an doctor honoris causa izendatu zuen Euskal Herriko Unibertsitateak (EHU), eta 2010ean UNEDek, Urrutiko Hezkuntzarako Espainiako Unibertsitateak, izendatu zuen.
1962an, Baionak Euskal Museoko zuzendari izendatu zuten, eta, 2004an, Eusko Ikaskuntzaren Manuel Lekuona saria jaso zuen.
Politikan ere parte hartu zuen, eta 1971 eta 1980 bitartean Baigorriko alkate izan zen.
Andres Urrutia egungo Euskaltzaindiko buruak Euskadi Irratiari esandakoaren arabera, ostiralean bisitatu zuen, eta "nahiko ondo" aurkitu zuen, larritasunaren barruan: "Zer zeukan jakitun zen, eta betiko moduan oso zaldun ikusi nuen". Haritschelharren zaldun izaera hori nabarmendu nahi izan du, eta bere buruaren jabe zen, eta hori islatzen eta agertzen zuen pertsona zela nabarmendu du.
Urrutiaren esanetan, urte luzetan ikurra izan den pertsona galtzen du euskalgintzak. "Aurrera egin behar dugu orain, haren eredua badugu eta haren lorratza ere bai", gaineratu du.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.