Ikasleek eta sindikatuek bat egin dute Lomce errefusatzeko greban
CCOO, UGT eta STES sindikatuen arabera, % 83koa izan da hezkuntzako grebaren jarraipena unibertsitatetik kanpo. Hala ere, ez da jarraipen bera izan erkidego guztietan.
Unibertsitate publikoen kasuan, % 91koa izan da jarraipena; baina irakaskuntza pribatuan, % 35ekoa besterik ez, Eskola Publikoaren aldeko Estatuko Plataformako kide diren sindikatu horiek jakitera eman dutenez.
Prentsa-agiri batean azaldu dutenez, mobilizazioekin jarraituko dute Espainiako Gobernuak murrizketei eta hezkuntza erreformari eusten badie.
Ikasleen Sindikatuak (SE) adierazi duenez, ikasleen % 90ek egin dute bat grebarekin. Ikasleen Guraso Elkarteen Espainiako Konfederazioak (Ceapa), berriz, gurasoek ere seme-alabak eskolara ez eramatea erabaki dutela azpimarratu du.
Grebak % 20,76ko jarraipena izan duela esan du Montserrat Gomendio Hezkuntza Estatu idazkariak. Ondorioz, protesta eguna "porrota" izan dela adierazi du Gomendiok. Ministerioarekin "benetako" elkarrizketa "irekia" izateko proposamena luzatu die Gomendiok sindikatuei.
Jarraipena EAEn eta Nafarroan
Grebaren jarraipena % 48,9koa izan da EAEko zentro pribatuetan, eta % 25,8koa publikoetan, Eusko Jaurlaritzak jakinarazi duenez. Hala ere, oso datu gutxitan oinarritutako batez bestekoa dela onartu du Hezkuntza Sailak.
800.000 irakasle eta 10 milioi ikasle eta guraso deitu dituzte kalera ateratzera gaur Espainiako Estatu osoan, Espainiako Gobernuak onartu duen hezkuntza erreformaren kontra protesta egiteko.
CCOO, UGT eta STEE-EILAS sindikatuek elkarretaratzea deitu dute Bilbon, eta Bizkaiko milaka ikaslek mobilizazioan parte hartu dute. ELAk eta LABek ez dute protesta babestu.
Ehunka ikaslek bat egin dute protestarekin eta partehartzaileek txalo zaparrada batekin hartu dituzte.
Ikasleek "eserialdia" egin dute Eusko Jaurlaritzako egoitzaren aurrean, Bizkaiko hiriburuan. Hezkuntza erreformaren eta murrizketen aurka oihu egin dute manifestariek. Era berean, "langilearen semea, unibertsitatera" bezalako leloak errepikatu dituzte.
Manifestazioa Bilbon. Argazkia: EFE
Unai Sordo eta Raul Arza CCOOko eta UGTko idazkari nagusiek mobilizazioetan parte hartu dute.
Horrela, gaurko greba "historikotzat" jo du Sordok, eta lege eta ministro "negargarriei" aurre egiteko "arrakasta" izan dela gaineratu du.
Euskal Herriko Unibertsitateko campusean ehunka pertsonek manifestazioa egin dute ikasleek deituta.
Gurasoen elkarteek eta hezkuntzako eragileek Lomceren kontra protesta egin dute. Eskola amaitu ostean elkarretaratzeak egin dituzte ikastetxeetan.
Bestalde, itunpeko ikastetxeetako langileek ordubeteko lanuztea egin dute berriro ere. Lan hitzarmena eskatzeko eta murrizketak arbuiatzeko lanuztea egin dute EAEn.
Kristau Eskola patronalaren hitzetan, langileen % 21ek egin dute lanuztea (% 30 Bizkaian, % 14 Araban eta % 10 Gipuzkoan).
Manifestazioa Madrilen. Argazkia: EFE
Milaka lagunek Lomce arbuiatzeko manifestazioa egin dute Iruñean. Erreforma "bidegabea" Nafarroan ez aplikatzea eskatu dute manifestariek.
"Mila arrazoigatik, LOMCEri ez" lelopean, irakasleek, ikasleek eta ikasleen gurasoek erdiguneko kale nagusiak hartu dituzte. Besteak beste, Herrikoa, Sortzen, Ikasle Abertzaleak, LAB, STEE-EILAS, CCOO, Afapna, ANPE, CSIF, ELA, UGT eta Eraldatuk deitu dute protesta.
Bigarren greba aurten
Bigarren aldiz deitu du aurten hezkuntza alorreko greba orokorra Eskola Publikoaren aldeko Estatuko Plataformak. Haur-hezkuntzatik unibertsitatera hezkuntza geldiarazteko deia egin die plataformak irakasle, guraso eta ikasleei, murrizketak eta Jose Ignacio Wertek sustatutako hezkuntza erreforma salatzeko.
Protesta Valentzian. Argazkia: EFE
Estatuko manifestazio handiena Madrilen izan da, eta 'marea berdeak' hirigunea estali du.
Orain arte zazpi pertsona atxilotu dituzte piketeekin lotutako gertakariengatik; bost Meridan eta bi Zaragozan.
Zure interesekoa izan daiteke
Talde animalistek manifestazioa egin dute Bilbon, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.