Kukutza hustu ostean neska bat jo zuen ertzainaren zigorra berretsita
Bizkaiko Lurralde Auzitegiak berretsi egin du Kukutzako gaztetxea hustu eta gero neska bati "ostikada gogor" bat emategatik Ertzaintzako agente batek jasotako zigorra.
Agenteari 540 euroko isuna ezarri diote, eta 160 euroko kalte-ordaina ordaintzea, Kukutza hustu eta ordu batzuk geroago gazte bat jotzeagatik, Kukutzarekin Elkartasuna Taldeak jakinarazi duenez.
Epaian, Auzitegiak Jaurlaritzako Segurtasun Sailaren abokatuak aurkeztutako argudio guztiak baztertu ditu eta, aurreko epaian esan zuen bezala, probatutzat ematen du agenteak "behar ez zuenean ostikada bat" jo ziola neskari, Ametzolako biribilgunean, "gaztetxetik 800 metro baino gehiagora eta leku hartan liskarrik egon barik".
Ostikoa "eusteko maniobra" zela esan du Ertzaintzaren abokatuak, baina Auzitegiak "eufemismo"tzat jo du argudioa. "Polizia-agenteen eta salatzaileen arteko baliabideen desberdintasuna" kontuan hartuta, baztertu du aringarririk ezartzea.
Kolektiboak gogorarazi duenez, Kukutza III gaztetxea hustu zutenean "hainbat zauritu izan ziren Poliziaren jokaeragatik, gutxienez 103 mediku-txosten; horietatik kasik erdia auzitara eraman izan dira baina ia gehienak artxibatu dituzte ezin izan direlako agenteak identifikatu".
Halere, gaineratu du, "kasu honetan posible izan da identifikatzea, Ertzaintzaren Unitate Diziplinarioak abiarazitako ikerketa bati esker, instrukzio-epaileak hala eskatuta, eta epaile horrek Bilboko Polizia Etxeari eta Brigada Mugikorreko buruari eskatu ostean, eta haiek hirutan "ez dela posible ostikada bat eman duen agentea identifikatzea" erantzun, kaputxa jantzita zutelako eta identifikatzeko zenbakirik ez zeramatelako".
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.