Senatuak LOMCE legea onartu du, PPren botoekin bakarrik
Senatuaren osoko bilkurak LOMCE legea onartu du ostegun honetan, PPren botoekin bakarrik. Orain, Diputatuen Kongresura igorriko dute berriz Wert ministroaren Hezkuntzaren Kalitatea Hobetzeko Lege Organikoa.
Aldeko 136 boto jaso ditu Wert legeak (PPrenak), eta kontrako 81 botoa (oposizioaren gehiengoarenak). Hiru abstentzio egon dira, UPNrenak azken hauek. 50 bat senatari ez dira azken bozketa horretan egon, eta txalo eta txistu artean onartu dute hezkuntza erreforma Senatuan.
LOMCE legearen testuan hainbat aldaketa sartu dituzte, eta, ondorioz, Diputatuen Kongresura itzuliko da hezkuntza erreforma, tramitazioa bukatzeko. Giza Zientzietako ikasleentzat matematika derrigorrezkoa izatea izan da aldaketa horietako bat.
Hilaren 28an Kongresuan egingo duten osoko bilkuran onartuko dute, behin betiko, Wert legea.
896 emendakinetatik 32k bakarrik egin dute aurrera
Guztira, Senatuko alderdiek 896 emendakin aurkeztu dizkiote legeari, eta, batzordeak 32 bakarrik onartu ditu, gehienak PPrenak berarenak.
Erreforma ezartzeko egutegia
Aldaketen artean, LOMCE legea ezartzeko egutegian egindako dago, hiru urtera igo baitute epe-muga hori.
Neska-mutilak bereizten dituzten ikastetxeak
UPNk aurkeztu eta Senatuak onartu dituen bi emendakinek baimenduta, neska-mutilak bereizten dituzten eskola pribatuek diru publikoa jaso ahalko dute, eta ikastetxe horiek ez dute ''modu objektiboan eta arrazoituan'' justifikatu beharko hezkuntza eredu hori laguntzak jasotzeko.
Aldaketa gehiago
Bestalde, Giza Zientzietako ikasleek ere matematikak ikasi beharko dituzte, eta Batxilergoaren azken ebaluaketarako enborreko ikasgai orokorrak bakarrik hartuko dira kontuan.
Jaurlaritzak helegitea jarriko du Konstituzionalean
Eusko Jaurlaritzak helegitea aurkeztuko du LOMCE Jose Ignacio Wert ministroaren hezkuntza erreformaren aurka, Auzitegi Konstituzionalean. Cristina Uriarte Hezkuntza sailburuak "Boulevard" Radio Euskadiko saioan egindako elkarrizketa batean aurreratu duenez, Espainiako Gobernuak "egun Senatuan dagoen testua" onartzen badu, Jaurlaritzak Konstituzionalera joko du. Izan ere, "erreformak ez ditu Euskadiren eskuduntzen berezitasunak aitortzen".
Zure interesekoa izan daiteke
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.