8 mosso inputatuta Tarragonan, atxilotutako lagun baten heriotzagatik
El Vendreleko (Tarragona) auzitegiak Esquadra Mossoen zortzi agente eta bi osasun-langile inputatu ditu, bertako polizia-etxean uztailean hildako Yassir E atxilotuaren heriotzaren ''nondik norakoak'' argitzeko. Hilaren 13an deklaratu beharko dute.
Epailearen autoaren arabera, zuhurtziagabekeriazko ustezko giza hilketa egotzi diete, epailaren hitzetan ''horien jokabideek heriotzan eragina izan zutela ustezko zergati arrazionalak daude''.
Idatziak jasotzen duenaren arabera, uztailaren 31an atxilotu zuten hildakoa, ustez agintarien kontrako ustezko delitu batengatik. Ospitaletik igaro ondoren, polizia-etxera igorri zuten atxilotua, eta gela batean sartu.
Eguerdian dardarka hasi zen gizona, eta osasun-langileei deitu zieten. Plantak egiten ari zela ondorioztatu zuten.
Ondoren, atxilotua gelan korrika eta oihua hasi zen, eta burdin hesien kontra kolpeak eman zizkion bere buruari, kamerek agerian utzi dutenez. Horren aurrean, atxilotua geldiarazi zuten agenteek, belaunetara arte gorputza belkroz estalita eta buruan kaskoan jarrita.
Minutu batzuk geroagoa, atxilotuak ''mugimendu torazikorik'' ez zuela ohartarazi zuen agente batek, eta osasun-langileek heriotza egiaztatu zuten.
Auzitegiko medikuak haxix-dosi bat eta bi kokaina poltsatxo aurkitu zituen gelan, eta, autopsiak agerian utzi zuenez, substantzia toxikoak izan diren heriotzaren arrazoi nagusi.
Horren aurrean, atxilotua arakatu zuten mossoak inputatzea erabaki du epaileak, behar bezala egin izan balute papelinak aurkituzko zituztela argudiatuta. Halaber, atxilotua inmobilizatu zuten agenteak ere inputatu ditu, gorputz osoa inmobilizatzea eta kaskoa jartzea beharrezkoa ote zen argitzeko. Epaileak zalantzak ditu ''atxilotuaren zaintza eta kontrola modu egokian'' egin ote zuten.
Osasun-langileen inputazioa
Bestalde, osasun-langileek lehen begiratuan drogek atxilotutako lagunarengan eragindako urduritasun egoera ikusi ez izanaren inguruan ''zalantzak'' daudela uste du epaileak.
Barne kontseilariak agenteak defendatu ditu
Generalitateko Barne kontseilariak, bestalde, inputatutako zortzi agenteak defendatu ditu, eta autopsiaren arabera heriotza kokainak eragin zuela azpimarratu du.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Korrikako antolatzaileen ustez, Errenteriako lan deialdi publikoan gertatu dena "mugarria" izan da. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.