'Distraziorako' ukabilkadak eman izana aitortu du mosso batek
Juan Andres Benitez enpresaburuaren heriotzagatik epaileak inputatu zituen zortzi mossoetako batek 'distraziorako' ukabilkadak eman izana aitortu du epaile aurrean, baina kolpe horiek saihetsean eman zizkiotela azpimarratu du, ez buruan. Halaber, biktimari emandako ostikadak lankide bat albotik kentzeko izan zirela deklaratu du.
Guztira, zortzi agente inputatu zituen epaileak enpresaburuaren heriotza dela-eta. Iturri judizialek jakitera eman dutenez, Polizia Nazionalaren txostenaren arabera biktimari buruan bost ukabilkada eman zizkion mossoak arratsaldean deklaratu du. Hain zuzen ere, bost ukabilkada horien helburuak eztabaida eragin zuen Polizia Nazionalaren eta Generalitateko Barne Kontseilaritzaren artean, azken horren arabera, ez baitziren buruan izan, saihetsean baizik.
Epaile aurrean egin duen deklarazioan, agenteak azpimarratu du Benitezek hainbat kolpe eman zizkiola bere buruari zoruaren kontra, eta kolpe horiek buruan hartu zituela. Halaber, kolpe gehiago har ez zitzan, burua eskuetan hartu ziola ere adierazi du.
Gainerako agenteek deklaratu zutenean bezala, auzokide batek grabatutako irudiak ikusi dira saioan zehar.
Zure interesekoa izan daiteke
Bizkaibus batek su hartu du, goizaldean, Santurtziko kale erdian
Sua Bizkaiko herri horretako Las Viñas kalean piztu da, eta ke handia sortu du. Ez da inor zauritu.
14 lagun atxilotu dituzte, bi ukituengatik, eta bi udaltzain zauritu dira Bilboko Aste Nagusiaren laugarren egunean
Udaltzaingoak 10 atxiloketa egin ditu jai-esparruan eta lau eremu horretatik kanpo. Guztira, 64 salaketa aurkeztu dira, horietatik 50 ebasketengatik izan dira. Bi agente zauritu dira, eta batek zerbitzua utzi behar izan du.
CCOO: "Estatuko Administrazio Orokorrari Euskadiko herritarrei euskaraz hitz egiteko eskatu dion lehen sindikatua gara"
Santi Martinez Euskadiko CCOOren idazkari nagusiak Radio Euskadin adierazi duenez, sindikatuak Enplegu Publikoaren Legearen eztabaidara eraman ditu euskara sustatzeko hainbat neurri, langabeen % 90ek hizkuntza hori ezagutzen ez dutela egiaztatu baita. Eskaera horien artean daude, besteak beste, Estatuko Administrazio Orokorra Euskadiko herritarrei euskaraz zuzentzea eta euskara ikasteko doakotasuna C1 mailara arte izatea.
ETSk milaka zale kantuan eta dantzan jarri ditu Bilboko Europa parkean
Iñigo Etxezarretaren bandak milaka lagun bildu ditu Bilboko Europa parkean astearte honetan, Aste Nagusian. Bere abesti ezagunez gain, taldea Bilboko jaien kanta abestera animatu da, eta han zaleak zapiekin dantzatzen hasi dira. Hasiera batean, kontzertua asteazken honetan egin behar zen, baina taldeak kontzertua egun bat aurreratzea erabaki zuen, ikuskizunetako teknikariek asteazken honetarako deitutako grebaren ondorioz.
Marijaia eta zirkuaren bisita dute gaur Basurtuko Ospitalean, Aste Nagusiko bosgarren egunean
Ekitaldi eta ikuskizunetako teknikariek Bizkaia osoan deitutako grebak baldintzatuko du asteazkeneko programazioa. Jarduera batzuk bertan behera geratu dira jada, eta beste batzuk, berriz, egunaren bilakaeraren zain daude.
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurrek 176 hilobi kaltetu dituzte Errenteriako hilerrian
Gurutzeak, argazki-markoak eta bestelako apaingarriak eraman dituzte Errenteriako hilerrian. Azken hilabetean bitan izan dira lapurretak eta oraingoan 4 salaketa daude, momentuz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean, tortillen kontsumoarekin lotutako salmonellosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek jaso dute alta. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".