Euskaldunen % 54k independentziaz referenduma egitea babestuko lukete
Euskal Autonomia Erkidegoko biztanle gehienek estatu federala hobesten dute, baina independentziaz galdetuta, baietza da nagusi. Eusko Jaurlaritzak gaur kaleratu dUen Euskobarometroaren arabera, EAEko biztanleen % 54 independentziaz erreferenduma egitearen alde daude eta % 29 kontra. EHUk egin du galdeketa hau; orotara, 1.200 elkarrizketa egin dituzte, urriaren 22tik azaroaren 15era bitartean. Ateratako ondorioen artean, ondorengoa: independentziari buruzko galdeketa 'bihar bertan' egingo balitz, % 37k independentziaren alde bozkatuko lukete, % 33k kontra, eta % 15 abstenitu egingo lirateke.
Independentzia lortuz gero, galdetutakoen % 33k uste dute euskaldunen bizi baldintzak hobetu egingo liratekeela, eta % 29ren iritziz, okerrera egingo lukete. Independentzia lortzeak EBtik ateratzea suposatuko balu, euren erantzuna mantenduko luketen ere galdetu diete independentziaren alde agertu direnei, eta ia denek baietz erantzun dute.
Egungo estatusarekin herritarren % 30 baino ez daude gustura, eta PPko boto-emaileen artean soilik du gehiengoa autonomiak. Gaurko autonomia gainditu, eta federalismoaren alde, % 35 daude. Independentzia, berriz, % 27ren lehen hautua da.
ETAren amaiera
ETAri buruzkoa da Euskobarometroaren azken atala. Lau herritarretik hiruk balorazio txarra egiten dute prozesuan Mariano Rajoyren Gobernuak duen jarreraz. PPko boto-emaileen artean ere, ez du oniritzirik.
Galdetutakoen hamarretik zortzi ETAren eta Espainiako Gobernuaren arteko negoziazioen aldeko dira. Horien erdiek baldintzarik gabe negoziatu behar dela uste dute, eta beste erdiek, ETAk armak utzi ostean egitearen alde. ETAren ibilbidea kalterako izan dela uste dute %78k.
Araba, Gipuzkoa eta Bizkaiko herritar gehienak pozik daude eurek izan duten urtearekin, baina egoera orokorra txarra dela uste dute. Esanguratsua da, halaber, % 84k uste dutela demokraziaren funtzionamendua txarra dela.
Albiste gehiago gizartea
Bost pertsona zauritu dira Gendulainen, kamioi baten eta auto baten arteko talkan
Istripuaren ondorioz, Bideko Autobidea (A-12) itxi dute, Iruñerako noranzkoan, eta NA-1110 errepidetik (Galar-Viana) desbideratzen ari dira zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
'Alice' goidiak 120 l/m2 utzi ditu Cartagenan, eta 100 l/m2 Valentziako Erkidegoko eremuetan, gorabehera larririk gabe
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.
2026ko Araba euskaraz jaia Amurrion egingo da, ekainaren 14an
Amurrioko Aresketa ikastola laguntzeko egingo da datorren urteko Araba Euskaraz jaia, "Taupadak berpiztu!" lelopean. Logotipoa, berriz, bihotz baten erdira doan txinparta da. Azken lau urteetan Arabako zortzi ikastolek elkarlanean antolatu dute Araba Euskaraz jaia Gasteizko Olarizu parkean. 2026ko edizioari begira, bi berritasun nagusi daude: batetik, Amurrion ospatuko da, ez Olarizun; bestetik, jaiaren antolakuntzaren pisurik handiena Aresketa ikastolak hartuko du bere gain, nahiz eta Arabako gainerako zazpi ikastolek ere lagundu.
"UNRWAk laguntzaz betetako kamioiak ditu Gazatik hiru ordura"
Barbara Ruiz Balzola UNRWA Euskadiren arduradunak adierazi duenez, Israelen baimenaren zain daude Gazan sartu eta laguntza banatzen hasteko. "Gazako egoera apokaliptikoa da. 50.000 haurrek desnutrizio akutua dute", gaineratu du.
Senideen heriotzagatiko baimena 10 egunera arte luzatuko dutela iragarri du Diazek
Halaber, iragarri du zainketa aringarriak jasotzen ari diren senideak zaintzeko baimena ere izango dela. Diazen hitzetan, produktibitateari dagokionez, Espainiako Estatuko arazoetako bat da jendeak lan egin behar duela nahiz eta egoera lanerako desegokia izan. "Ama lurperatzen duelako edo semea zaindu behar duelako lanera ez doanaren kasua ezin da absentismotzat jo", azpimarratu du.