Cristina infantak otsailaren 8an deklaratuko du
Jose Castro Noos auziko instrukzio-epaileak otsailaren 8ra aurreratu du Cristina infantaren deklarazioa. Juan Carlos I.a erregearen alaba gazteenak inputatu gisa deklaratu beharko du, iruzur fiskala eta dirua zuritzea egotzita.
Epaileak gogorarazi du infantak ez duela deklarazio boluntarioa egingo, horren abokatuek hala esan arren, eta inputatu gisa deklaratzera deituta dagoela nabarmendu du.
Hasieran, martxoaren 8rako deitu zuen Palmako dukesa, baina aurreratu egin du hitzordua, infantak uko egin baitio zitazioaren aurkako helegitea aurkezteari.
"Errugabetasunaz ziur"
Miquel Roca infantaren abokatuak azaldu duenez, Cristinak Castro epailearen aurrean deklaratu nahi du "lehenbailehen, ziur baitago errugabea dela, eta egoera argitu nahi du".
Infanta ez omen dago egoerarekin gustura, baina deklaratzeko erabakia hartu du "alboko kalteak" saihesteko; "prozedura luzatzea eta egoera injustua luzaraztea", adibidez.
Abokatuak jakinarazi duenez, infanta bera izan da inputazioaren kontra helegitea jartzeko aukerari uko egin diona. "Azkenean, edozein herritarrek duen eskubideari uko egin dio, prozesuak horrela aurreratu egin dezan", gaineratu du.
Estatuko Abokatutzak ez du helegiterik jarriko
Estatuko Abokatutzak erabaki du ez diola helegiterik aurkeztuko Noos kasua daraman Jose Castro epailearen erabakiari, eta Cristina infantak deklaratu egin beharko duela.
"Beharrezkoa da deklarazioa aurreratzea", esan du Castro epaileak, Erregearen alabaren eskaerari dagokionez. Infantaren defentsa abokatuen aburuz, bidegabea da haren inputazioa, iruzur fiskala eta dirua zuritzea egotzita. Dena dela, ez dutela oztopatuko adierazi dute, prozesua arindu asmoz.
Fiskaltzak larunbatean iragarri zuen helegitea jartzea zentzuzkoa ote den aztertzen ari dela. Izan ere, infanta berak uko egin dio eskubide horri, eta beharrezkoak diren azalpen guztiak emateko prest agertu da.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.