Abortuari buruzko eztabaida ireki du Frantziak, Espainiari begira
Abortua emakumearen erabateko eskubidean bihurtzeko Frantziako Gobernuaren proiektua eztabaidatzen hasi dira gaur diputatuak. Gaiak eztabaida piztu du herrialdean, aurka daudenek Espainiaren adibidea jarraitzea eskatu baitute, eta haurdunaldia eteteko aukerak murriztea.
Abortuaren aldekoen aburuz, “emakumeen eskubideak inoiz ez daudela erabat eskuratuta erakusten du Espainiako adibideak”.
Proiektu berria, aitatasun baja izatea jasotzen du besteak beste eta talde guztiak alde agertu dira. Abortuaren inguruko bi zuzenketa ere jaso ditu proiektuak eta tradizionalisten artean asaldura sortu du horrek.
Lehen zuzenketak emakumearen eta abortuaren artean zegoen azken oztopoa kentzea du helburu. Frantzian dagoen egungo legea 1975ean onartu zuten eta bertan jasotzen denez, abortua “babesgabezian” dauden emakumeei zuzenduta dago.
Sozialistek aurkeztu duten zuzenketaren arabera, “haurdunaldiarekin aurrera egin nahi ez duen emakume batek abortua eskatu ahal izango du”. Gizarte Segurantzak estaltzen du Frantzian abortua.
Aurka daudenek diotenez, aldaketa hori 1975eko legearen izpirituaren aurka doa, “abortuak azken errekurtsoa izan beharko bailuke”, baina ez “erabateko eskubidea”.
Aurkeztutako bigarren zuzenketak ere eztabaida sortu du, abortua “oztopatzearen” delitua gogortzen baitu bi urteko espetxe-zigorrarekin eta 30.000 euroko isunarekin.
Abortuak egiten dituzten erietxeen aurkako ekintzak zigortzeko asmoz sortua, abortuaren eskubidearen inguruan informatzen ez dutenei ere zabaldu nahi die zigorra.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.