Zergatik izan da hain zakarra asteburuko denboralea?
Euskal Herriko kostaldeak asteburuan pairatu zuen denboralea azken urteetako bortitzenetakoa izan da eta, gutxienez 1965. urtera egin beharko genuke atzera ezaugarri berdintsuetako aurrekari bat aurkitzeko.
Hala ere, asteburu honetako olatuak baino handiagoak eta zakarragoak izan dira lehen ere euskal kostaldean. Oraingoan, aldiz, marea biziekin bat egin dute, eta horrek eman dio halako txikizioak eragiteko aparteko indarra, Euskalmeten arabera.
Asteburuan zehar, 13 metroko olatuak ere izan dira, baina adituek ez dute gehiegizko kopuru hori kontutan hartzen denboralearen indarra aztertzeko. Izan ere, asteburuan gertatutakoa hainbat faktoreen batuketaren ondorioa izan da.
Izan ere, olatuen batez-besteko altuera 8 metrokoa izan da asteburuan. Urtarrilaren 6ko denboralean, berriz, olatuek 10 metroko altuera izan zuten, batez beste, baina txikizioak ez ziren hain handiak izan. Zergatik?
Jose Antonio Aranda Euskalmeteko arduradunaren hitzetan, azken denboralean, olatu handiekin batera, marea "oso-oso bizia" izan zen Euskal Herriko kostaldean. "Faktore horien batuketak oso denborale zakarra eragin zuen", gaineratu du.
Horrez gain, inoiz ez bezala, denboraleak bata bestearen atzetik etorri dira gure kostaldea zigortzera (lau pairatu ditugu urtarrilean, azken hogei urteetan gertatu ez dena.
Bosgarren denboralea etzirako espero da Euskal Herrian. Gaur haizetea dator eta asteazkenerako alerta laranja ezarriko dute berriro ere. Hala ere, denborale horren eraginak ez dira hain handiak izango, Euskalmeten iritziz.
"Olatu handiak izango dira, 6-7 metrokoak, eta eragina izango du, baina mareak ez dira hain biziak izango. Egoera laranja izango dugu, baina ez du azken denboralearen tamainako eragina izango", adierazi du.
Hala ere, Bizkaiko ontziak Bilboko itsasadarrean gorde dituzte, arazoak saihesteko.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.