600.000 euro eskatuko dizkiote infantari erantzukizun zibilagatik
Ustelkeriaren aurkako epaitegiak Cristina infantak 600.000 euro ordaintzea eskatuko du erantzukizun zibil moduan, dohaineko tituluagatik. Horrela, 2003 eta 2007 urteen artean Aizoon enpresak jasotako diru publikoaren erdia itzuli beharko luke, Noos Institutuak bidegabe erabili zuen diruaren erdia, hain zuzen ere.
Eskaera Noos kasuaren inguruan Ustelkeriaren aurkako epaitegia prestatzen ari den akusazio-idazkian bilduko dute, kausa amaitzen dutenerako. Larunbatean infantak deklaratzen duenean, diligentziak amaitutzat emango dituzte, epaitegiko iturriek jakinarazi dutenez.
Gauzak horrela, Iñaki Urdangarin bere senarra kondenatuko balute, infantak erantzun beharko luke, erantzukizun zibilagatik.
Fiskaliak ez du uste infantak delitu penalik egin zuenik, baina erantzule gisa agertuko litzateke, Aizoon enpresako jabe baitzen %50ean Iñaki Urdangarin bere senarrarekin batera. Isun hori jarriko liokete diru-iturriak legez kanpokoak zirela jakin ez arren, Kode Penalaren 122 artikuluak azaltzen duen gisa.
Prestaketa lanak
Infantak larunbatean deklaratuko du Palmako Epaitegietan, goizeko 10:00etan.
Horrela, udaltzaingoek hainbat seinale jarri dituzte epaitegi inguruan ez aparkatzeko, deklaraziorako segurtasun neurri gisa.
Bitartean, epaitegietako langileek Cristina infantak deklaratuko duen aretoa atondu dute.
Kanpoan, hainbat hedabide izango dira lanean: 90 hedabidetako 300 kazetari inguruk eskatu dute akreditazioa.
20.000 euroko kostua
Infantaren deklarazioa dela eta martxan jarriko den segurtasun dispositiboak 20.000 bat euroko kostua izango du, dispositiboko iturriek jakitera eman dutenez. Polizia Nazionalak, Guardia Zibilak eta Udaltzaingoak parte hartuko dute dispositibo berezian.
Polizia Nazionalak epaitegietako inguruak kontrolatuko ditu deklarazioa baino lehen eta ondoren. Horretarako Valentziako UIPren bi talde joango dira, bakoitza 50 poliziarekin.
100 polizia horiek Palmara bidean daude. Dieten ordainketak eta bidaiak dispositiboaren aurrekontuaren zatirik handiena eramango dute, iturrien arabera.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.