Umeen pobreziaren aurkako borrokan, azkenaurrekoa da Espainia EBn
Pobreziaren aurkako politika sozial eskasenak dituen Europar Batasuneko bigarren herrialdea da Espainia, Greziaren atzetik. Pobrezian erortzeko zorian dago 2,8 milioi haur, adingabekoen %33,8.
Horrela azaldu du "Umeen pobrezia eta bazterketa soziala Europan" izeneko txostenak. 27 milioi hau inguru daude Europar Batasunean eta Islandian, Norvegian eta Suitzan pobrezian erortzeko zorian. 2008tik 2012ra, milioi bat gehiago izan ziren, milioi erdi azken urte horretan.
Egoera horren aurrean, herrialde batzuek pobreziaren aurkako politika sozial eraginkorrak ezartzen dituzte, eta beste batzuek ez. Espainiaren kasua da: hiru umetik bat pobreziaren atarian dago, eta laguntza publikoek ez dute datu hori %6,9tik jaistea lortu, txostenaren arabera. Iparraldeko herrialdeetan, horrelako ekimenekin, umeen pobrezia %18 jaistea lortu dute krisialdi ekonomikoaren urteetan.
"Gure herrialdea Europaren atzealdean dago, Greziarekin batera, umeen pobrezia laguntza sozialekin gutxitzeko ahalmenean. Laguntzen aurretik, pobrezian bizi zen umeen portzentajea %36,8koa zen Espainian. Laguntzekin, %6,9k pobreziatik irtetea lortu du, eta tasa %29,9an dago orain. Irlandarekin alderatuta (egoera ekonomiko antzekoa bizi izan du), umeen pobrezia 32 puntu jaitsi zuten han; %49,1etik %17,1era", Save the Children erakundeak azaldu duenez.
Txostenean, umeen pobreziaren dimentsio guztiak aztertu dituzte, baita gurasoen lan-baldintzak ere: "gurasoak lanean egoteak ez da nahikoa pobreziatik ihes egiteko", azaldu dute. Pobreziarekin amaitzea "erabaki politiko zuzenak hartzean datza", azaldu dute, eta hori estatu guztien esku omen dago.
Albiste gehiago gizartea
Kamioi batek su hartu du AP68 errepidean, Zuian
Autoak zeramatzan kamioi batek su hartu du AP68an, Zuian, Zaragozarako noranzkoan. Arabako suhiltzaileak bertaratu dira eta errepidea itxita dago oraindik. Trafikoko zuzendaritzak azaldu duenez, auto-pilaketak daude.
Sexu-esplotazioko sare batean zeuden 12 emakume askatu dituzte Euskadin
Polizia Nazionalak sei autonomia-erkidegotako prostituzio-etxeetan emakumeak sexualki esplotatzen zituen erakunde kriminal bat desegin du, besteak beste, Euskadin. Askatutako 18 biktimak —12, Euskal Autonomia Erkidegoan— Kolonbian erakarri zituzten, lan egingo zutela zin eginda, gezurra esanda. Proposamen faltsua onartutakoan, 8.000 euroko zorra zuten esplotatzaileekin, eta prostituzioan jardunez kitatzera behartzen zituzten. Bost atxilotu daude —hiru Bilbon eta bi Gijonen—, horietako bi behin-behineko espetxealdian sartu dituzte, eta sei etxebizitza itxi dituzte.
Lau pertsona atxilotu dituzte sei probintziatako supermerkatuetan 36 lapurreta egiteagatik
Lapurretak 2024ko uztailetik 2025eko apirilera bitartean egin ziren Burgos, Kantabria, Gipuzkoa, Nafarroa, Araba eta Bizkaiko hainbat supermerkatu-katetan.
Arabako Auzitegiak gizon bat epaituko du asteazken honetan, emaztea eta bien alaba adingabeak behin baino gehiagotan bortxatzea leporatuta
Fiskaltzaren eta akusazio partikularraren arabera, gizonak tratu txarrak ematen zizkion emakumeari eta behin baino gehiagotan bortxatu zituen bikotekidea eta bi neskatoak.
Hilketa matxista: gizon batek bikotekidea hil du Getafen
Gertakariak Madrilen jazo dira. Bizilagunek Poliziari ohartarazi diotenez, gizonezko bat oihuka ari zen, emaztea hilko zuela ohartaraziz.
Artolazabalek gaitzetsi egin ditu Gasteizko lorezainen grebaren testuinguruan jasan dituen "erasoak"
Azken protesta San Joan jaien bueltan gertatu da, bart: lorezainek Beatriz Artolazabalen aurpegidun panpina bota dute Judimendi auzoko sutara. Gasteizko Udalak dagoeneko adostu du gaitzespen testua bozeramaileen ezohiko batzordean; ez da aho batez adostu, baina, EH Bilduk ez baitu ekintza gaitzetsi. "Isilik daogena ere erruduna da", adierazi du Artolazabalek.
Istiluak, Hernaniko San Joan gauean: borrokak eta atxilotu bat, gutxienez
Bart gauean istiluak izan dira Hernanin, hainbat talderen artean. Borrokak izan dira, eta Ertzainei objektuak jaurti dizkiete. Segurtasun Sailak adierazi du lagun bat atxilotu dutela.
San Joan bezperan Donostiako Konstituzio plazan dantza egin du Udalbatzak, ohiko legez, lizar lerdena lekuko
Udalbatzak esku dantza tradizionala dantzatu du, Goizaldi, Arkaitz, Eskola eta Gero Axular taldeetako dantzariekin eta Udal Txistulari Bandarekin batera. Behin esku dantza amaituta, lizarrari erritua egiteko unea iritsi da. Eneko Goia alkateak lizarra ureztatu du eta, jarraian, dantzariek su eman diote.
Andres Krakenberger: "Pablo Ibarren familia itxaropentsu dago, baina tentuz"
1994an Floridan (AEB) egindako hilketa hirukoitzagatik zigortutako Pablo Ibarren defentsak lekuko berri bat duela ziurtatu du. Lekuko horrek Ibar zigortu zuten krimenaren benetako egileak diren bi pertsona identifikatu ditu, eta horrek Ibar errugabetuko luke. "Egia esaten ari dela frogatzen duten zantzu sendoak daude", ziurtatu du Andres Krakenbergerrek, Pablo Ibar Heriotza Zigorraren Aurkako Elkarteko bozeramaileak.
LEAko arduradunak lanean ari dira, suak kiskalitako instalazioak berreraikitzeko
LEAko langileek aste honetan bertan enpresarekin biltzea espero dute, bere etorkizunari buruzko xehetasun gehiago jakiteko. LEAren zuzendaritza gaur bilduko da lan-arloko abokatu batekin eta lan-ikuskaritzarekin. Arabako Foru Aldundia ere lanean ari da LEAri ahal den neurrian aurrera ateratzea errazteko.