47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Ertzaintzak 47 urteko gizonezko bat atxilotu du gaur Ermuan (Bizkaia) hilketa saiakera egotzita, anaiari labanaz eraso baitio. Biktima, 46 urtekoa, larri eraman dute ospitalera.
Eusko Jaurlaritzako Segurtasun Sailak ohar bidez jakinarazi duenez, erasoa goizeko seiak aldera jazo da. Ertzaintzari San Pelaio auzoko etxebizitza batera joateko eskatu diote, arma zuriz egindako erasoa gertatu baita.
Bertaratutako agenteek erasoaren ustezko egilea aurkitu dute etxebizitzara sartzeko eskaileretan, eta bertan atxiki dute.
Ondoren, etxe barrura sartu dira, eta sukaldetik gertu topatu dute beste gizona, lurrean botata, odol artean. Biktimaren egoera ikusita, anbulantzia bat eskatu dute, eta agenteetako bat biktimaren zauriak presionatzen geratu da osasun langileak heldu arte.
Zauritua larri eraman dute Donostiako Ospitalera. Lepoan, toraxean, saihetsetan, sorbaldan eta beso batean zituen zauriak.
Ertzaintzak etxebizitzan aurkitu du erasoan erabilitako labana, eta atxikitako gizona, biktimaren anaia, atxilotu egin du. Atxilotua Eibarko ertzain-etxera eraman dute, eta epailearen esku utziko dute eginbideak bukatu bezain pronto.
Zure interesekoa izan daiteke
76 urteko gizon baten gorpua aurkitu dute Orozkon, baso-sute bat itzaltzera zihoazela
Hainbat estatuk Espainiako Gobernuaren aurka egin dute euskararen ofizialtasuna EBren zabalkundearekin lotzeagatik
Martxan da Beldur Barik bideo lehiaketa, aurten 10 urtetik gorako haur eta gazteentzat
Bi gizon atxilotu dituzte Gasteizen, bi emakumeri sexu-erasoa egin dietelakoan
Zortzi atxilotu, Berriozarren Munduko Kopako finala ikusten ari zen militar talde bati eraso egiteagatik
Adingabe marokoar batek itsasartea zeharkatu du Ceutatik, Real Valladoliden autobusaren behealdean ezkutatuta
Bi gaixok ospitalean jarraitzen dute, Aita Menni klinikako sutearen ondorioz
Emakume bati lau urteko zigorra ezarri diote 80 urteko gizon bati 400.000 euroko iruzurra egiteagatik
Negu Gorriak Nafarroako GKEak heriotza mehatxuak salatu ditu eta "elkartasuna ez geldiarazteko" eskatu du
