Osakidetza: 'Tabakoak kontsumitzaileen erdiak hiltzen ditu'
Tabakoaren kontsumoa murrizteko erreminta berria martxan jarri du Osakidetzak. Izan ere, erretzeari utzi nahi dioten pertsonak 94 400 75 73 telefono zenbakia izango dute eskuragarri. Erretzeari uzteko programetan parte hartu duten pertsonen kopurua bikoiztu egin da 2013. urtean.
Iaz, nabarmen egin zuen behera erretzaile kopuruak Euskal Autonomia erkidegoan. Osakidetzak erretzeari uzteko dituen programetan parte-hartzea nabarmen handitu zen eta, gaurtik aurrera, telefono bat ere eskainiko du Jaurlaritzak laguntza modura.
Jon Darpon sailburuak aurkeztu du gaur telefono zerbitzu berria, Kerik gabeko astearen lehenengo egunean. Esan duenez, zerbitzu berri honekin erretzeari uzteko programak “indartu” egingo dituzte.
Telefono zenbaki horren bitartez, erretzeari uzten lagunduko dute, telefono bidezko elkarrizketekin eta pertsona bakoitzarentzat diseinatutako plan berezien bitartez. Horrez gain, erabiltzaileek osasun zentroetara joateko aukera ere izango dute.
Azaldu duenez, telefono zenbaki horretara deituta, tabakoaren inguruko informazioa jasoko dute erabiltzaileek eta, erretzeari uzteko laguntza eskatzen dutenei, egokitutako programa bat eskainiko zaie.
Behin tratamendua martxan dagoenean, hitzordua jasoko du erabiltzaileak, tratamenduaren jarraipena egin ahal izateko.
Darponek gogoratu duenez tabakoa da aurreikusi daitekeen heriotza-kausa nagusia; “tuberkulosiak, HIESak eta paludismoak denak batera baino heriotza gehiago eragiten ditu. Bizi-itxaropenari 15 urte kentzen dizkio, gutxi gorabehera, eta kontsumitzaileen erdiak hiltzen ditu. Biriketako minbizien % 90 tabakoak eragiten ditu, eta hamar heriotzatik, bat”, adierazi du.
EAEko Osasun Inkestaren arabera, 2012. urteko heriotzen % 12,33 tabakoaren ondorioz gertatu ziren. Tabakoak 2.500 pertsonatik gora hil zituen urte horretan, gehienan gizonezkoak (2.224).
Zure interesekoa izan daiteke
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.