Emakunde genitalen mutilazioa prebenitzeko protokoloa lantzen ari da
Emakunde Emakumearen Euskal Institutua Euskal Autonomia Erkidegoan (EAE) genitalen mutilazio prebenitzeko protokolo bat sortzeko lanean ari da. Mutilazioa egiten den herrialdeetakoak izateagatik arriskuan egon daitezkeen 0 eta 14 urte bitarteko neskatoak 800 inguru dira EAEn, Emakundek jakinarazi duenez.
Iñigo Urkullu Eusko Jaurlaritzako lehendakariak harrera egingo die gaur Lehendakaritzako egoitzan, Adriana Kaplan genitalen mutilazioaren prebentziorako Wassu-UAB Fundazioko zuzendariari eta Izaskun Landaida Emakundeko zuzendariari. Kaplanek eta Landaidak EAEn izan daitezkeen genitalen mutilazio kasuak prebenitzeko egiten ari diren lanari buruzko azken xehetasunak eman dizkiote Urkulluri.
Lan horren arlo teknikoa Wassu-UAB Fundazioaren esku dago, eta koordinazioa Emakunderenean. Orain arte egindako lanari esker, diagnostikoan aurrera egin da eta lantalde ezberdinekin harremanak egin dira, EAEn genitalen mutilazioa prebenitzeko protokolo bat diseinatzeko helburuarekin.
Emakunderen arabera, prebentzioko lanean "ezinbestekoa da zerbitzu sozialetako, osasun arloko eta hezkuntza arloko profesionalen arteko koordinazioa". Hori kontuan izanik, gaur goizean bertan, Kaplan eta Landaida Osasun sailburu Jon Darponekin, Hezkuntza, Hizkuntza Politika eta Kultura sailburu Cristina Uriarterekin eta Enplegu eta Politika Sozialetako sailburu Juan Maria Aburtorekin bildu dira Eusko Legebiltzarrean.
Genitalen mutilazioa egiten den herrialdeetatik etorritako 11.000 pertsona inguru bizi dira EAEn, eta mutilazioa jasateko arriskuan egon daitezkeen nesken kopurua 800 ingurukoa da.
Adriana Kaplan Antropologia katedraduna da Bartzelonako Unibertsitate Autonomoan, eta Afrikako migrazioetan emakumezkoen mutilazio genitalaren gaian lehen mailako aditua. 2009tik Espainiako Jakintzaren Transferentzia Sozialaren lehen Katedra eman zioten 20 urtez migrazioen integrazio sozialean, osasun sexualean eta, bereziki, mutilazio genitalean lan egiteagatik.
Gambia, Senegal eta Ginea Bissaun egin du lan 1987tik, eta Gambian Medical Research Council erakundeeko kolaboratzailea izan da, Women's Bureau elkarteko aholkularia eta nazioarteko hainbat agentzietako kontsultorea mutilazio genitalaren gaian.
Zure interesekoa izan daiteke
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.