.EUS Fundazioak domeinu berriaren 92 aitzindariak aurkeztu ditu
.EUS Fundazioak abenduaren 3ra arte, Euskararen Nazioarteko Eguna, domeinu berriarekin sarean aktibatuta egongo diren 92 aitzindarien izenak plazaratu ditu gaur, larunbata, Bilbon egindako prentsaurreko batean.
Aitzindarien Fasean, guztira, "113 domeinu-izen ezberdin proposatu ziren, 92 entitateren eskutik. Hasiera batean 90 aitzindari hautatuko genituela esan genuen, baina gure muga tekniko erreala 93 zenbakian zegoen", azaldu dute.
Horregatik, "erabaki bat hartu genuen: .EUS Domeinuaren Aitzindari izan nahi duten 92 entitateei aukera emango geniela horretarako. Hortaz, entitate bakoitzak soilik domeinu-izen bakarra eska zezakeen. Horixe zen hautaketarako jarri genuen irizpide bakarra".
Aitzindarien Fasearen ondoren, Abiarazte-aldia etorriko da. Abiarazte aldian mota guztietako erakunde publiko, elkarte eta enpresek euren domeinu-izenak eskatu ahal izango dituzte, lehentasunez, publiko orokorrera ireki aurretik.
Abiarazte-aldia irailaren 16an hasi eta azaroaren 18an bukatuko da, jakinarazi dutenez. Epe horretan eskatzen diren domeinu-izen guztiak abenduaren 3an aktibatuko dira, alegia, Euskararen Nazioarteko Egunean. Eta egun horretan .EUS Domeinuaren Fase Irekia edo Orokorra hasiko da.
Aitzindarien artean, Bankoa Crédit Agricole www.bankoa.eus, Euskaltel www.gozatueuskaltel.eus, Grupo ULMA, S. Coop. www.ulma.eus, Kutxabank SA www.kutxabank.eus, Laboral Kutxa www.laboralkutxa.eus, Baztango Udala www.baztan.eus, Donostiako Udala-Ayuntamiento de San Sebastián http://www.donostia.eus/, Eibarko Udala www.eibar.eus, Etxepare Euskal Institutua www.etxepare.eus, Eusko Jaurlaritza www.basquecountry.eus, Eusko Legebiltzarra - Parlamento Vasco www.legebiltzarra.eus, Berria www.berria.eus, Euskal Irrati Telebista (EiTB) www.eitb.eus, Goiena Komunikazio Taldea www.goiena.eus, AEK www.aek.eus, daude, besteak beste.
besteak beste.Albiste gehiago gizartea
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.