Abortuaren erreformaren aldekoak eta aurkakoak batu dira Kongresuan
Jose Eugenio Azpiroz PPko diputatu eta Bizitzaren eta Familiaren aldeko Munduko Parlamentarien Ekintzako idazkari nagusiak kritikatu du Kongresuak abortuaren aldeko jardunaldiak hartu izana aurrez deitutako bizitzeko eskubidearen aldeko jardunaldiekin batera.
Eztabaidagai berdina baina ikuspuntu ezberdina duten bi jardunaldi izan dira gaur Kongresuan: batek Gobernuak bultzatutako abortuaren erreforma defendatzea du helburu; besteak, aldiz, haurdunaldia etetea emakumearen eskubide gisa ikusten du.
"Ulertzen ez dudana, hainbeste denbora izanda, biak egun eta leku berean izatea da. Ez dut ulertzen eta ez dut konpartitzen", adierazi du Azpirozek.
Gallardon ez da agertu
Alberto Ruiz-Gallardon Justizia ministroa bizitzaren aldeko jardunaldietara agertu ez izanari garrantzia kendu dio Azpirozek.
Aurreproiektuari erabateko babesa eman dio PPko diputatuak, egungo legedian "funtsezko aldaketa" bat sartu eta abortua eskubide bat denaren printzipioarekin amaituko baitu; Azpirozen ustez, "edozein emakumerentzat zorigaitza da abortua".
"Gobernuaren Lege proiektua ikusteko zain gaude, baina aurreproiektuaren bide beretik joango dela uste dugu", azaldu du.
Bizitzeko Eskubidearen aldeko Nazioarteko Topaketan PP alderdiko diputatuak, senatariak eta erkidegoetako parlamentariak bildu dira, baina Europako eta Ameriketako dozena bat herrialdetako kargu publikoak ere, hala nola, Erresuma Batukoak, Italiakoak, Frantziakoak, Portugalgoak, Txekiar Errepublikakoak, Ekuadorrekoak eta Mexikokoak.
Pedro Sanchez, abortuaren aldeko ekitaldian
Pedro Sanchez PSOEko Madrilgo diputatu eta alderdiko Idazkaritza Nagusirako hautagaia Kongresuko abortuaren aldeko mintegian izan da. Alderdi sozialista zuzentzeko hautagaiak Alberto Ruiz-Gallardonek bultzatutako lege erreforma salatu du, "kontraerreforma bidegabea eta hipokrita" dela esanez.
Ikusmin handia piztu du Sanchezen agerraldiak, bertan hamar minutu baino igaro ez dituen arren. Mintegitik irtetean, abortu "legala eta segurua" defendatzera eta emakumeen eskubide eta askatasunetan "50 urte atzera" egitea nahi duen Gobernuaren proiektua salatzera gerturatu dela esan du.
Zure interesekoa izan daiteke
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberbullyinga gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.