Miguel Pajares elizgizona hil da, ebolak jota
Miguel Pajares ebolak kutsatuta Afrikatik aberriratutako elizgizona hil da gaur, asteartea, Karlos III.a Ospitalean, sendagai esperimentala hartu eta 24 ordura. Ebolak hildako lehen europarra da Pajares.
Pajaresen aldeko hileta elizkizuna bihar, asteazkena, izango da 11:30ean, Madrileko San Rafael Ospitalean. Osasun zentroren kaperan egingo dituzte elizkizunak, Ordenaren panteoian hobiratu aurretik.
Elizgizonaren gorpuzkiak erraustu dituzte dagoeneko Collado Villalba beilatoki-erraustegian (Madril), hiriburu espainiarreko Osasun Kontseilaritzak eta Parcesa hileta zerbitzuetako enpresak baieztatu dutenez.
Done Joan Jainkoarena Ordenak eskerrak eman ditu, egunotan jasotako babesagatik.
Bestalde, Miguel Pajaresen familiak uste du elizgizonaren heriotza "amaiera zoriontsua" izan dela. Alabaina, ezustean harrapatu ditu Pajaresen heriotzak, uste baitzuen egonkor jarraitzen zuela Karlos III.a Ospitalean.
"Albisteak ustekabean harrapatu gaitu, baina uste dut amaiera zoriontsua dela, agian izan zitekeen onena, Miguelek San Jose Ospitaleko lankideen heriotza bere gain hartuta bizi behar izan balu, ez zen lasai egongo", Begoña Martin apaizaren lehengusinak Europa Pressi esan dionez.
Marintek ez zuen uste bere lehengusuak hobera egingo zuenik, nahiz eta Zmapp sendagaia hartu zuen. "Ehuneko berrogeita hamarrean uste nuen sendatuko zela", ziurtatu duenez.
Pajares hil eta gero, familiak espero du orain ebola duten herrialde afrikarrak laguntzea, Liberia, esaterako. "Eskatuko dudan gauza bakarra da antolatu duten hau guztiak herrialde aberatsek laguntza gehien behar dutenak laguntzeko balio izatea", gaineratu du Begoña Martinek.
Ez diote autopsiarik egingo
Ospitaleko iturrien arabera, Miguel Pajaresen gorpuari ez diote autopsiarik egingo eta erraustu egingo dute, kutsatzeko arriskua saihesteko.
Ebolagatik kutsatutako gorpuak maneiatzeko araudiak autopsia egitea debekatzen du, “gorputzak izan ditzakeen likidoen karga” dela eta. Trebatutako medikuek bakarrik izango dute kontaktua Miguel Pajaresen gorpuarekin, iturri berdinek azaldu dutenez.
Horrez gain, kutsatuta egon daitezkeen ospitaleko azalerak desinfektatzaile bereziekin garbitzea eta erabilitako jantzi eta arropa guztiak erretzea ere arautzen du protokolo horrek.
18 urte misiolari
Miguel Pajarsek Erizaintza ikasketak egin zituen, apaiz izan baino lehen, eta 18 urtez misiolari lanak egin zituen, Irlanda, Ghana eta Liberia herrialdeetan, besteak beste.
Izan ere, Liberian igaro ditu azken zazpi urteak, zehatz-mehatz, Monroviako San Jose Ospitalean. Ospitale horretako zuzendaria, Patrick Nshamdzea, hil zen abuztuaren 2an, eta Pajaresek zaindu zuen.
75 urte zituen Pajaresek, eta bost anaien artean gazteena zen. Iglesuela Toledon dagoen 500 bat biztanleko herrixka batean jaio zen, eta aurreko ekainean, hango bizilagunek elizgizona ikusteko aukera izan zuten.
Izan ere, abuztuaren amaieran edo irailaren hasieran bueltatzeko asmoa zuen. Espainiara itzuli ostean, hurrengo misioaren zain egotea zen bere nahia.
12 urte zituela egin zen Done Joan Jainkoarena Ordenako kide egin zen.
AEBko sendagaia
Sendagaien eta Osasun Produktuen Agentzia Espainiarrak (Osasun, Gizarte Zerbitzu eta Berdintasun Ministerioak finantzatzen du) baimendu zuen sendagaia Espainian sartzea. AEBn bi gaixok hartu dute, historian lehenengoz, eta ikerketaren lehenengo faseetan dago oraindik.
Ministerioak azaldu zuenez, hiltzeko arriskua duten eta sendagairik hartzeko aukera ez duten gaixoek har ditzakete oraindik baimenik ez duten sendagaiak, egungo legediaren arabera.
Elizgizona abuztuaren 7an espainiaratu zuten hegazkin militar batean, eta Torrejon de Ardozeko base militarrera eraman zuten. Harekin batera, ebola ez duen moja bat, Juliana Bohi, ere espainiaratu zuten. Bohi mojari hirugarren testa egingo diote gaur, erabat baieztatzeko kutsatuta ez dagoela.
Miguel Pajares (75 urte) bakartuta izan zen Liberiako San Jose Ospitalean, beste bost pertsonarekin batera, Patrick Nshamdzea zentroko zuzendaria ebolak jota hil zenetik.
Pajaresen lankideak ere hil dira
Chantal Pascaline moja, Miguel Pajares apaizaren lankidea, larunbatean hil zen, Ebola birusaren gaixotasunak jota. Pascaline, kongotarra, Monroviako (Liberia) San Jose Ospitalean hil zen, William Ekeurm Kamerungo erizainak artatu arren, ezin izan baitzuen ezer egin haren bizitza salbatzeko.
Herenegun George Combey Ghanako elizgizona hil zen Monrovian (Liberia), ELWA Ospitalean, birusak jota.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.