Jaurlaritzak laguntza sozialak itzultzeko eskatu die 10.000 pertsonari
Juan Mari Aburto Enplegu eta Gizarte Politiketako sailburuak azaldu duenez, Diru Sarrerak Bermatzeko Errentaren 10.000 hartzaileri zegozkiena baino 56 milioi euro gehiago eman dizkie Eusko Jaurlaritzak, eta orain diru hori berreskuratzen saiatzen ari dira.
"56 milioi euroko ordainketa okerrak atzeman ditugu, eta hartzaileek dirua itzultzea saiatzen ari gara", azaldu du Aburtok ETB1en egindako elkarrizketa batean.
Lanbidek gutunak igorri zizkien astelehenean 10.000 pertsona horiei, 2012. eta 2013. urteetan zegozkiena baino diru-laguntza handiagoak jaso zituztelako. Gutun horietan, dirua itzultzea eskatu, eta, hala egin ezean, auzitara joko duela ohartarazi die.
EFE agentziak zehaztu duenez, EAEko Enplegu zerbitzuak 45.000 euro berreskuratu ditu bi egunean.
Aburtok ukatu egin du Lanbideren bulegoak "kolapsatu" egin direla (hedabide batek "kexu ugari" jaso dituztela publikatu du gaur), baina Bilboko bi bulegotan telefono-lineek gainez egin dutela aitortu du.
Nolanahi ere, sailburuak Diru Sarrerak Bermatzeko Errentaren alde egin du, eta Euskadin 25 urte duen "eskubide subjektiboa" dela azpimarratu du.
"Batzuek aurkakoa esan arren, Lanbidek kontrol zorrotzak ditu, eta datuak Gizarte Segurantzarekin, foru aldundiekin eta Estatuarekin alderatzen ditu, balizko iruzurrak edota ordainketa okerrak atzemateko", esan du.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.