La Balugako bi gurasok eta Sopuertako alkateak gose greba egingo dute
La Balugan (Sopuertan) oraindik matrikulatu gabe dauden umeen bi gurasok eta Bizkaiko herri honetako alkateak gose greba mugagabea egingo dutela iragarri dute, EH Bilduko talde parlamentarioak eitb.eus-i baieztatu dionez.
Bizkaiko udalerrian Lehen Hezkuntza publikoa eskatzen duen guraso taldearen ordezkaritza bat Legebiltzarrean izan da gaur, talde parlamentario honek gonbidatuta, eta han egin dute iragarpena. Azaldu dutenez, gainerako taldeekin bilerak egingo dituzte. Horrez gain, Belen Arrondo EH Bilduko parlamentarioak gai honen inguruan galdetuko dio gaurko saioan Hezkuntza sailburuari.
Carlos Alonso gurasoen ordezkariak iragarri duenez, bihar abiatuko dute baraualdia, Sopuertan 12:00etan egin asmo duten elkarretaratzearen ostean.
Auziaren nondik norakoak
Sopuertan haur hezkuntza publikoa bakarrik eskaini dute orain arte, La Baluga ikastetxea eraiki zeneko hitzarmenaren klausula bati jarraiki.
Udalaren eta Bilboko Gotzaingoaren arteko akordioaren arabera, utzitako lurzorua “haur-hezkuntzako zentro bat” eraikitzeko zen, eta hala egin ezean, apezpikutzak hitzarmena ezerezean uzteko aukera zuela zioen xedapena gehitu zuten.
Horrenbestez, Sopuertako zazpi ume Zallara joatera behartuta daude, hezkuntza publikoan jarraituz gero.
Hezkuntza Sailari presio egiteko asmoz, gurasoek La Balugan matrikulatu zituzten seme-alabak; borondatez lan egiten zuten irakasleek ematen zizkieten klaseak. Alabaina, Hezkuntza Sailak bigarren egunez eragotzi du irakasleak ikastetxean sartzea.
Gauzak horrela, gurasoek euren seme-alabengatik “zerbait gehiago” egin behar dutela pentsatu eta mugagabeko gose-grebari ekingo diotela iragarri dute.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.