Horrela ipintzen eta kentzen da ebolaren kontrako babes jantzia
Osakidetza EAEko osasun zerbitzuak bideoa eskegi du Interneten ebolak jotako gaixoak artatu behar dituzten osasun-langileek babes ekipamendua zelan jantzi eta erantzi behar duten azalduz.
Norbere Babeserako Ekipoak (NBE) berebiziko garrantzia du ebola edo tankerako gaixotasun infekziosoak dituzten eriak artatzeko. Kutsatzea saihesteko, baina, jantzia modu egokian ipini eta kendu behar da.
Hain justu, Manuel Carcia Viejo ebolak hildako misiolaria jagoten ibili zen erizain laguntzailea kutsatu izanak ezbaian jarri du ekipamendu hori kentzeko prozesuan jarraitutako pausoak zuzenak izan ote ziren. Jantzia ipintzeko eta kentzeko gomendioak jaso ditu Osakidetzak bideo batean. Bertan, Donostia Ospitaleko Mikrobiologia Zerbitzuko langile batek pausoz pauso azaltzen du nola jantzi eta erantzi behar den norbera babesteko ekipamendua.
Babes jantzia ondorengo elementuek osatzen dute: buzoa, zangozorro edo polainak, maskara, txanoa, betaurrekoak eta bi pare eskularru. Ezertan hasi baino lehen, eskuak ondo garbitu beharko ditu osasun-langileak, eta prozesu guztian lagunduko dion lankide bat izan beharko du ondoan. Buzoa jantzi behar da aurrena. Segidan, lehen eskularru parea ipiniko du sanitarioak, baina, gainerako elementuak janzteko traba egiten badio, azkenean jantzi ahalko ditu. Hori horrela, bideoan ageri den medikuak zangozorro edo polainak ipintzen ditu lehenengo. Zangozorroak ondo lotu eta gero, maskara jantziko du, estu baina eroso duela; eta, azkenik, betaurrekoak. Une horretan, ekipamenduak ondo babesten duela bermatu behar du laguntzen ari den lankideak. Amaitzeko, eskularruak jantziko ditu (aurretik egin ez badu behintzat); azken parea buzoaren gainetik paratu behar da. "Kutsatutako gunea"n (kutsatzea posible den gunea) sartzeko prest dago, horrenbestez, erizaina, erizain laguntzailea edo medikua.
Babes jantzia kentzeko, lehen eskularru parea gaixoaren gelan kenduko du osasun-langileak, eta polainak, betaurrekoak eta buzoa, bertatik irten ostean. Laguntzaileak buzoa eta zangozorroak kanporantz bildu beharko ditu. Azkenik, beste eskularruak, maskara eta betaurrekoak erantzi beharko ditu, ezer ukitu gabe. Kutsatutako materiala gune "zikinean" dagoen ontzian bota behar da. Amaitzeko, eskuak sakon garbitu behar dira. Gune "garbira" pasatu baino lehen, oinetakoak desinfektatzeko ontzi batean paratu beharko dira oinak.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.