Arartekoak lonjen gaineko segurtasun kontrol eskasia salatu du
Gazteen lokalen edo lonjen gaineko segurtasun eta ingurumen kontrola "urria" da, Arartekoaren Haur eta Nerabeentzako Bulegoak gaur salatu duenez. Izan ere, lokal horien laurdena bakarrik dago dagokion udalean izena emanda.
Elena Ayarza Arartekoaren Haur eta Nerabeentzako Bulegoko zuzendariak agerraldia egin du Eusko Legebiltzarreko Osasun eta Kontsumo Batzordean gazteen lokalak arautzeko mekanismoen berri emateko.
Ayarzarekin batera, haren bulegoko hainbat kidek parte hartu dute agerraldian. Bertan, "Gazteen lonjak eta lokalak EAEn" izeneko txostena, eta, dokumentu horren harira, Arartekoak apirilean egindako proposamena hizpide izan du.
Txostenaren arabera, 15 eta 29 urte bitarteko gazteen % 20 aisialdirako gune horietako erabiltzaileak dira, hots, EAEko 62.000 gaztek erabiltzen dituzte normalean gisa horretako lokalak.
Kexak eta gomendioak
Arartekoaren bulegoak berri eman duenez, gazteen lokalen ugaritzeak bizilagunen kexen handitzea eragin du. Dena den, kasuen % 70ean ez dago elkarbizitza arazo handirik. Arazo gehienak zaratari, zikintasunari eta segurtasunari loturikoak dira.
Bizilagunek egindako kexa horietako askotan, lege eskakizunak betetzeko udalen esku-hartze falta salatzen da. Administrazioa urbanismoari eta ingurumenari dagozkien kontrol eta diziplina eskumenak gauzatzera behartuta dagoela berretsi du Bulegoak. Aitzitik, kasu gehienetan Administrazioak jarduera horren aurretiazko kontrolik ez du egiten, txostenaren arabera.
Bestalde, Arartekoaren Haur eta Nerabeentzako Bulegoak gazteen lokalak ikuskatzeko planak egiteko eta gune horiek udal ordenantzaren bitartez arautzeko gomendatzen die udalei. Halaber, arauak betetzen diren ala ez egiaztatzeko jarraipena egitea ere aholkatu die.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.