Romeroren senarrak 'akatsak' eta 'kontrol politiko falta' salatu ditu
Javier Limonek, Teresa Romero ebolarekin kutsatutako erizain laguntzailearen senarrak, salatu du bere kasua "akatsez eta kontrol politiko faltaz" josia dagoela. Limonek gogor salatu du Javier Rodriguez Madrilgo Osasun kontseilariaren jarrera, eta ez du haren barkamena onartu, Excalibur txakurra "hiltzeagatik" eta bere emaztearekin "ia" gauza bera egiteagatik.
Limonek prentsaurrekoa eman du Madrilgo Carlos III.a ospitaletik senda-agiria jasota atera eta ordu gutxira. Gaur goizean irten da ospitaletik, segurtasun protokoloek ezarritako isolamendu epea igarota.
"Orain ardurak exijitzeko eta denon irudia garbitzeko unea da. Teresa inoiz ez da izan erruduna", berretsi du kazetariz betetako areto batean.
Rodriguez Osasun kontseilariari dagokionez, bere dimisioa eskatu du, eta auzitegietara jotzea aztertzen ari dira txakurra hil ziotelako.
"Eskerrak eman nahi dizkiet babesa eman diguten guztiei. Osasun langileei, heroi ezezagunei. Eskerrik asko profesionaltasunagatik eta bizitza arriskuan jartzeagatik. Zilegi da Osasun zerbitzua pertsonez osatua dagoela esatea. Espainiako Osasun zerbitzua onenetakoa da", gaineratu du.
Hori horrela, bere emaztea "inoiz ez" dela "erruduna" izan azpimarratu du, eskularruekin aurpegia ukitu izanari erreferentzia eginez, eta lepora dakioken bakarra "lanarekiko maitasuna" dela esan du.
"Boluntario izan zen, eta inork ez zuen egiaztatu gaizki atera zela. Horrek ia heriotza eragin zion. Javier Rodriguezetaz ari naiz, Teresak esan ez zituenak jarri zituelako bere ahoan, jantzia janzten ez zekiela, adibidez", azaldu du Limonek.
Bestalde, bere txakurraren "exekuzioa" izan du hizpide. "Sekula izan ez dugun semea zen. Oroitzen ditut bere urrats urduriak, bere beroa nire magalean, beharrezkoak ziren bere laztanak. Kendu diguten guztiarekin oroitzen naiz, nik eta nire emazteak berriro sentituko ez dugulako. Inori ez zitzaion axola seme-alabarik gabeko familia batean animaliak zuen garrantzia. Exekutatu egin zuten, beharrezkoa ez zela esateko aukerarik gabe", adierazi du Limonek.
Hori horrela, "arinegi jokatu" zela kritikatu du, kutsatuta ote zegoen aztertu gabe exekutatu zutela.
Zure interesekoa izan daiteke
Bost pertsona zauritu dira Cascanten izandako istripu batean
Lau ibilgailuk talka egin dute, eta bost pertsona ospitalera eraman dituzte.
Bilbo eta Gasteiz arteko autobusek deskontuak izango dituzte aurrerantzean
Bizkaiko Foru Aldundiaren administrazio akatsa zuzenduta, erabilera anitzeko bonuek gutxienez % 40ko deskontuak izango dituzte.
Gizon batek emaztea hil eta ama larri zauritu du Sarrigurenen
Hilketa matxista ostiral arratsaldean jazo da, bikotearen etxean. Eguesibarreko Udalak Bozeramaileen Batzordea deitu du 10:00etarako hilketa salatzeko.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.