Maroto: 'Diru-laguntzen kudeaketa okerra salatzen jarraituko dut'
Javier Maroto Gasteizko alkateak EAEko Fiskaltza Nagusiaren aurrean azalpenak eman ditu gaur, etorkinek jasotzen dituzten diru-laguntzen harira uztailean egin zituen adierazpen polemikoak argitzeko. Gasteizko alkateak diru-laguntzen kontura bizitzea egotzi zien etorkinei. SOS Arrazakeriak salaketa jarri zuen, adierazpen horiekin Marotok "gorrotoa sustatu" zuelakoan.
Epaitegitik atera denean, "pozik" dagoela esan du, fiskalaren aurrean bere hitzak argitzeko aukera izan duelako. Halaber, gizarte laguntzen "kudeaketa okerra" salatzen jarraituko duela gaineratu du alkate popularrak. "Ni hemen deklaratzen nagoen bitartean, laguntza sozialen iruzurra 20 milioikoa dela esaten ari dira Legebiltzarrean", nabarmendu du. Ordubeteko deklarazioan, etorkinek jasotzen dituzten laguntzen inguruan orain arte esan dituenak bere horretan berretsi ditu fiskalaren aurrean Gasteizko alkateak. Bere hitzetan, oinarrizko errenta bermatzeko laguntzak banatzerakoan "irregulartasunak" daudela "egia" da.
Alkateak fiskalari esan dio bere asmoa ez dela inoiz "indarkeria sustatzea izan", berak "beti" indarkeria mota oro, batekoa zein bestekoa, salatu izan duelako. Bere "helburu bakarra" laguntza sozialen inguruan ematen ari den "iruzurra" salatzea dela esan du. "Laguntza sozialetan ematen ari den iruzurrean ez dago bereizketarik arraza, adin, sexu edo erlijioari dagokionean", esan du.
"Uztailean egin nituen adierazpenak Eusko Jaurlaritzak berak emandako datuekin berresteko aukera izan dut gaur fiskalaren aurrean. Jaurlaritzak onartu du emandako diru-laguntzen lautik batean iruzurra edo irregulartasuna atzeman dutela", gaineratu du.
SOS Arrazakeria elkartearen protesta
Bilboko Justizia Auzitegian zuen hitzordua, 08:30ean. Iritsi denerako 25 bat lagun zain zituen, eta "arrazista eta faxista" oihuekin hartu dute alkatea. Elkarretaratzea egin dute, Marotoren jarrera salatzeko.
Fede Garcia SOS Arrazakeria elkartearen Arabako bozeramaileak "gizarte-bazterketaren kriminalizazioaren tsunamia" gelditzeko alkatearen aurkako mozio zentsura aurkeztea eskatu du. Garciaren aburuz, Marotoren hitzak "arrazistak eta baztertzaileak" dira. Hitzok "gizartean eragiten ari diren kaltea" alkateari ordainarazi egin behar zaiola uste du.
Gaur, berriro, Marotok uztailean esandakoak berretsi egin dituela, eta, beraz, ondorioak beregain hartu behar dituela azpimarratu du Garciak. "Nahigabe eragindako hilketen aurrean, nahigabekoa izan arren, egileak ordaindu egiten du. Kasu honetan ere, Marotok egindako adierazpen arrazista eta baztertzaileek kaltea eragiten ari dira gizartean eta ez genuke ulertuko horrek zigorrik ez izatea", esan du.
Zure interesekoa izan daiteke
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.