Pertsona bat hil da Igorren izan den istripuan
Bilboko 41 urteko gizonezko bat hil da eta beste bat zauritu Igorren izan den istripuan. Auto batek eta kamioi batek talka egin dute.
Eusko Jaurlaritzako Segurtasun sailak jakitera eman duenez, 12.40 aldera izan da ezbeharra, N-240 errepidean. Ford Mondeo batek eta Renault etxeko kamioi batek elkarren aurka jo dute.
Ondorioz, autoan zihoazen bi pertsonak zauritu egin dira. Horietako bat harrapatuta geratu da eta suhiltzaileek atera behar izan dute. Galdakaoko erietxera zeramaten bitartean hil da.
Ertzaintza istripua zerk eragin duen ikertzen ari da. Kamioiaren gidariak ere zauriak izan ditu eta erietxera eraman dute.
Ezbeharraren eraginez, N-240 errepidea erabat itxi dute Gasteizko noranzkoan eta Bilboko noranfzkoan Igorreko erdigunetik bideratu dute trafikoa. Auto ilarak sortu dira.
Errepidea 18:00ak aldera zabaldu dute, ia bost ordu eta erdi itxita eman eta gero. Eusko Jaurlaritzako Trafiko Zuzendaritzak jakitera eman duenez, istripua izan duten ibilgailuak kendu eta errepidea garbitu ondoren bidea ireki dute berriro.
Istripua Zornotzan
Ez da hori izan, ordea, Bizkaiko errepideetan gaur izan den istripu bakarra izan. Eguerdiko hamabietan kamioi batek eta lau autok talka egin dute N-634 errepidean, Zornotzan.
Ezbeharra Renault kamioi baten artean eta Opel Vivaro, Opel Zafira, Mazda 6 eta Renault Kangoo baten artean izan da. Ondorioz, 62, 55 eta 52 urteko gizonezkoak eta 34 urteko emakumezko bat Galdakaoko erietxera eraman dituzte.
Kamioiak zeramatzan pieza metalikoak errepidera erori dira eta errepidea erabat moztu dute. Bilboko noranzkoan zihoazen autoak bidearen bazterretik bideratu dituzte, eta Donostiarako noranzkoan zihoazen autoak AP8 autobideak desbideratu dituzte.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.