Cristina infantarentzat 8 urteko zigorra eskatuko du Manos Limpiasek
Manos Limpias sindikatuak, Noos auzian herri-akusazioa denak, zortzi urteko kartzela-zigorra eskatu du Cristina infantarentzat, bi delitu fiskal egiteko beharrezko laguntzaile izan zela iritzita. Epaileari aurkeztuko dion kalifikazio idazkian ageri denez, infantaren papera ezinbestekoa izan zen Iñaki Urdangarinek 2007. eta 2008. urteetan PFEZ zergan 337.138 euroko iruzurra egiteko.
Abenduaren 3a eta 9a bitartean aurkeztuko du idatzia Manos Limpiasek, eta horrenbestez, Palmako dukesaretzat espetxe-zigorra eskatuko duen akusazio bakarra izango da.
Zortzi urteko zigorra (lau urte delitu bakoitzeko) eskatzeko, infantaren jokabidean astungarria antzeman du sindikatuak: Aizoon elkartea eratu izana zerga betebeharrak ezkutatzeko.
Cristina infanta Aizoon elkarteko bazkide izanda, haren senarrak enpresa 'pantaila' gisa erabili zuen kontseilari zen beste enpresa batzuetan lortutako irabaziak bertan fakturatzeko eta zerga gutxiago ordaintzeko, betiere Manos Limpiasek aurkeztuko duen idazkiaren arabera.
Sindikatuen arabera, Noos Institutuak lortutako funtsak (5,9 milioi euro) bideratzeko erabiltzen zuten Aizoon enpresa.
Erabakia, epailearen esku
Manos Limpiasen kalifikazio-idazkia eskuan, Infantari Botin doktrina aplikatzen dion edo ez erabaki beharko du Castro epaileak. Hau da, erregearen arreba akusatuen aulkian jesartzen duen edo auzia artxibatzen duen. Izan ere, bankari ezagunaren auzian ezarritako doktrinaren arabera, ezin da inor epaitu herri-akusazioak bakarrik akusatzen badu. Infantaren kasuan, Fiskaltzak eta Zerga Administrazioko Estatu Agentziak ez dizkiote Cristinari inongo deliturik egotzi.
Albiste gehiago gizartea
Bilboko Aireportuan lurreratzekoak ziren zazpi hegaldi desbideratu behar izan dituzte lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera desbideratu dituzte. Horietako bat Madrilera itzuli behar izan da, eta azken bat Zaragozara bidali dute. Loiuko aireportuan zabaldutako laino mardulagatik.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatuta daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.