Lau bahitu eta bahitzailea hil dira supermerkatuko oldarraldian
Gutxienez bost lagun hil dira Parisko Hyper Carcher supermerkatuan izan den bahiketan. Gatibuak askatzeko segurtasun indarrek egin duten operazioan izan dira heriotzak, polizia iturriek jakitera eman dutenez. Antza, hildakoetako lau gatibuak dira. Amedy Coulibaly bahitzailea ere hil egin da, segurtasun indarrek tirokatuta.
Bahitu kopuru zehaztu gabe bat askatzea lortu dute segurtasun indarrek. Besteak beste, adin txikiko haurtxo bat besoetan zeraman gizon baten irudiak zabaldu ditu bertako telebista batek.
Poliziaren oldarraldia hasi baino lehen lau bahituak hil zituen Coulibalyk. Gainera, lehergailuekin tranpa bat prestatu zuen.
Francois Molins Pariseko fiskalak agerraldi batean azaldu duenez, Coulibalyk BFM TV telebistarekin telefonoz hitz egin du RAID polizia bereziak erasoa hasi baino bi ordu lehenago. Elkarrizketa horretan supermerkatuko lau bezero hil zituela aitortu du.
Poliziek bahitzailea hil eta gero, 15 bat lehergailu eta detonagailu bat topatu dute, Molinsek goraipatu duenez.
Hildako lau bahituei autopsia egin bitartean, terroristak bahituak operazioa hasi baino lehen hil zituela da hipotesi nagusia.
Bestalde, Coulibalyk Said eta Cherif Kouachi anaiekin harremana zuela baieztatu dute ikerketek, fiskalak azpimarratu duenez.
Estatu Islamikoaren aginduetara
Abu Bakr al Bagdadi “Estatu Islamikoaren kalifak emandako aginduak” betetzen zituela ziurtatu dio Amedy Coulibaly bahitzaileak BFMTV telebistari egindako telefono deian. Gainera, krimenak egiteko Kouachi anaiekin koordinatu dela esan du.
“Ez gara harremanetan egon (krimenak hasi eta gero). Hasieran koordinatu gara, beraiek Charlie Hebdo eta nik poliziak”, azaldu du Coulibalik telebistari egindako deian. Terroristak hil eta gero elkarrizketen berri eman du telebistak.
Jihadistak udaltzain bat hil zuen ostegunean, Montrougen, Pariseko hegoaldean, eta gaur Hyper Carcher supermerkatu batean bi orduko bahiketa egin du. Azkenean, lau bahitu eta bahitzailea hil dira askatzeko operazioan.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.