Lau hoteletatik ordaindu gabe alde egin, eta agenteei oldartu zitzaien
Arabako Fiskaltzak bi urteko eta zortzi hilabeteko kartzela-zigorra eskatu du 28 urteko mutil batentzat, 2013an, Gasteizko lau hoteletan zazpi egunez lo egin eta ordaindu gabe alde egiteagatik. Gainera, Ertzaintzako hainbat agente atxilotzera abiatu zirenean, hoteletako batean iskanbila sortu zuelako, ertzainei oldartu zitzaien.
2013ko urriaren 14tik 25era jazo zen, Fiskaltzak egindako idazkiaren arabera, Efek dioenez.
Akusatua, "legez kanpoko etekina lortu" eta "ordainagiria ez ordaintzeko" asmoz , egun horietan Arabako hiriburuko lau hoteletan izan zen.
Horretarako, diru nahikoa zuela ulertarazi zuen, eta kreditu-txartelak aurkezten zituen, baina hotelek ezin zuten dirua jaso, kontu korrontean dirurik ez zegoelako.
Urriaren 14tik 18ra, Abba Jazz hotelera jo zuen akusatuak, 45 euroko zorra utzita; urriaren 19tik 21era, General Alava hotelean 196,56 euroko zorra eragin zuen; eta urriaren 23tik 24ra, Boulevard hotelean, 299,11 eurokoa.
Handik bi egunera, urriaren 26an, Ertzaintzara ditu zuten Boulevard hotelean, gaztea indarkeriaz zuzendu zitzaiolako harrerako langileari.
Agenteek indarrez atxilotu behar izan zuten, atxiloketa zaplazteko eta urradurekin ekiditen saiatu zelako.
Halere, ondoren aske utzi zuten, eta abenduaren 22tik 25era Ciudad de Vitoria hotelean izan zen, eta bertan 539,5 euroko zorra utzi zuen.
Fiskaltzak gogorarazi duenez, akusatuak aurrekariak ditu. 2012an bederatzi hilabeteko zigorra jaso zuen desordena publikoa eta alarma faltsuak egiteagatik. Gainera, 2013an, beste zortzi hilabeteko zigorra, iruzurra egiteagatik.
Era berean, fiskalak adierazi du izaera aldakorra duela, baina, akusazioaren arabera, hoteletan izan zenean "ekintzak ulertzeko gaitasuna" bazuen. Epaiketa datorren astean egingo da.
Zure interesekoa izan daiteke
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik barrena sartu da Korrika Gipuzkoan, Tolosaldea eskualdean. Berastegiko udaleko ordezkariak izan dira lekukoa Gipuzkoara sartu dutenak. Ondoren, Galtzaundi Tolosako euskaltzaleen elkartearen txanda izan da. Mallopeko eta Tolosaldeako eskualdeak bat egin dute Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 6ak aldera Beran espero dute.
Familia batek salatu du Durangoko egoitza bateko erabiltzaileek "gabezia larriak" dituztela
Egoitzako zuzendaritzak ukatu egin ditu akusazioak, lantaldearen "profesionaltasuna" defendatu du, eta ziurtatu du Bizkaiko Aldundiak ezarritako baldintza guztiak betetzen dituztela.
Bi pertsona zauritu dira Azkoitian, etxe batean izandako sutean
Trino Uria kalean piztu da sua eraikineko azken solairuan, asteleheneko ordu bata aldera. Bi lagun artatu dituzte lekuan bertan; zaurituetako batek erredurak ditu eta ospitalera eraman behar izan dute. Eraikin osoa hustu dute, eta sua kontrolpean duten arren, Azpeitia eta Eibarko suhiltzaileak lanean ari dira kalteak ahalik eta txikienak izan daitezen.
EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Gizon bat hil da eta lagun bat zauritu, Irungo soto batean izandako sutean
Zauritua helikopteroz eraman dute Gurutzetako Ospitalera. 13:45ean piztu da sua, Uranzu kalean, eta garrak itzaltzea lortu badute ere, suhiltzaileek hozte-lanetan jarraitzen dute.
Milaka bizipen ahaztezin, bost eguneko ibilbidean
Martxoaren 19an abiatu zen euskararen aldeko lasterketa Atharratzetik, eta, harrezkero, urratsez urrats, lurraldez lurralde, euskarari hauspoa ematen aritu dira milaka euskaltzale. Oraindik bidearen erdia ere ez du egin, baina dagoeneko irudi eta une zirraragariak utzi ditu Korrikaren 24. edizioak.
Euskadiko Erlijioen Kontseilua sortuko du Eusko Jaurlaritzak
Udaberrian jarriko du martxan Eusko Jaurlaritzak Euskadiko Erlijioen Kontseilua EAEko erlijio-aniztasuna kudeatzeko helburuz. Bizikidetza eta laikotasun kooperatiboa oinarri izango dituen ekintza plan batekin jaioko da.
Nafarroatik Gipuzkoara egin du jauzi Korrikak bere bosgarren gauean
Araban ikusi ditu lekukoak eguneko lehen eguzki printzak, eta bertan ibili da Korrika eguerdia iritsi bitartean. Egino eta Ziordia arteko bidea eginda, Nafarroa iparraldean barneratu da 13:00a aldera, Gipuzkoa helburu hartuta.
Nafarroako Gobernuak suizidioa prebenitzeko behatokia sortuko du, diziplina anitzeko profesionalen laguntzarekin
Jokabide suizidak prebenitzeko eta horiek pairatzen dituzten pertsonak artatzeko estrategia aurkeztu du Nafarroako Osasun Departamentuak. Iaz, 39 pertsona hil ziren Nafarroan beren buruaz beste eginda.