Nafarroako Gobernuak suizidioa prebenitzeko behatokia sortuko du, diziplina anitzeko profesionalen laguntzarekin
Jokabide suizidak prebenitzeko eta horiek pairatzen dituzten pertsonak artatzeko estrategia aurkeztu du Nafarroako Osasun Departamentuak. Iaz, 39 pertsona hil ziren Nafarroan beren buruaz beste eginda.
Eskuak, elkar hartuta. Nafarroako Gobernuak zabaldutako argazkia
Suizidioa osasun publikoko arazo bat den garai honetan, gaiari heldu eta suizidioa prebenitzeko behatokia sortzea erabaki du Nafarroako Gobernuak. Hori da Nafarroan jokabide suizidak prebenitzeko eta pertsonak artatzeko estrategia berriak jasotzen duen neurrietako bat.
Behatokia Nafarroako Osasun Publikoaren Institutuan kokatuko da, eta hainbat alorretako profesionalek parte hartuko dute. Osasun Departamentuko adituek ez ezik, beste departamentuetako adituek ere suizidioaren prebentzioan nola sakondu aztertuko dute, besteak beste.
Fernando Dominguez Osasun kontseilariak eta Antonio Lopez Osasuneko zuzendari nagusiak Nafarroan jokabide suizidak dituzten pertsonen arretarako eta prebentziorako estrategia aurkeztu dute gaur goizean. Helburu nagusiak hauek dira: erakundeek suizidioa prebenitzeko duten gaitasuna indartzea, detekzio goiztiarra hobetzea eta kaltetutako pertsonei arreta koordinatua eta eraginkorra ematen zaiela bermatzea.
Ebidentzia zientifikoen arabera, norbanakoen, gizartearen eta komunitatearen faktoreek jokabide suizidan eragina dute. Hori guztia aintzat hartuta osatu du bere estrategia Nafarroako Gobernuak.
Guztira, bederatzi helburu estrategiko zehaztu ditu Nafarroako Gobernuak suizidioa prebenitzeko, detekzio goiztiarra eta arreta hobetzeko.
Osasun kontseilariak azaldu duenez, "jokabide suizida osasun publikoko arazo larria da". Are gehiago, arazo konplexua eta multifaktoriala dela nabarmendu du, eta pertsonengan, familiengan eta gizartean eragin sakona duela adierazi.
Iaz, 39 lagun hil ziren Nafarroan beren buruaz beste eginda, aurreko urtean baino % 32,7 gutxiago —2024ko datua 2001etik izandako zifrarik txikiena izan zen—. Dena den, Nafarroako Gobernuak erantzun egituratu eta iraunkor bat emateko beharra nabarmendu du.
Pentsamendu, ideia edo jokabide suizida izateko arriskua baduzu, deitu 024 doako telefonora. Jokabide suizida izateko arriskua duen pertsona baten senide edo hurbilekoa bazara, deitu 024 telefonora. Osasun Ministerioaren telefonoa da. Familia medikuarengana ere joan zaitezke. Larrialdi egoeran bazaude, deitu zuzenean 112 zenbakira.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.