52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Gasteizko elizbarrutian giroa asko gaiztotu da azken egunetan, apaiz talde baten eta Juan Carlos Elizalde gotzainaren arteko mezu gurutzatuen ondorioz. Guztira, 52 apaizek gutun bat bidali diote Gasteizko Elizaren buruari, “agintekeriaz” jokatzea egotzita eta azken urteetan elizbarrutia “muturreko jarreretara” eraman duela salatuta.
Gutunean, apaizek diote "umiliatuta eta etsita" sentitzen direla, eta ez daudela ados Elizalderen kudeaketarekin. Halaber, elkarrizketarik gabeko pastoral eredua sustatzea ere leporatu diote gotzainari.
Gutuna sinatu duten apaizek Euskadi Irratiari azaldu diotenez, gatazka ez da berria, Elizalde izendatu zutenetik dator, duela hamar urtetik. Haien esanetan, urte hauetan guztietan “gutxietsita” sentitu dira, eta horrek mesfidantza giroa eragin du elizbarrutian.
Kritiken artean, gotzainak Arabako seminariora ekarri dituen apaizgaien profila ere aipatu dute. Apaizetako baten arabera, seminarioaren “erdia kikoen esku” utzi du Elizaldek, eta horrek Arabako Elizaren norabidea baldintzatuko duela uste dute. Ondorioz, "etsipena eta kezka" handitu direla diote.
Apaizek, gainera, salatu dute kritikak “oso gaizki" hartu dituela gotzainak, egoeraren berri eman nahi izan diotenean.
Juan Carlos Elizaldek, bere aldetik, ukatu egin ditu akusazio guztiak. Apaiz talde honen jarrera kritikatu du, eta “alferrak” izatea eta “bazterrak nahasten” aritzea leporatu die.
Elizalderen hitzetan, apaiz talde honen kritikak ez dira berriak, eta aurreko gotzainen aurka ere aritu izan direla esan du, baina orain arte “aurre egin dien gotzainik ez dute aurkitu”, erantsi du.
Gotzainaren adierazpenek harago jo dute, gainera. Elizalderen iritzian, apaiz batzuek “denbora gehiegi dute inkordiatzeko”, eta talde horretako hainbat erretiroa hartuta daudela azpimarratu du.
Gutuna sinatu duten apaizek minduta hartu dituzte gotzainaren hitzak. Ukatu egin dituzte Elizaldek egindako deskalifikazioak, eta berriro ohartarazi dute haren kudeaketak egoera “kritikoa” eragin duela Gasteizko elizbarrutian.
Zure interesekoa izan daiteke
Ramon Lazaro Tudelanoko presidente ohia aske utzi dute behin-behinean, baina Estatutik irteteko debekuarekin
Ikerketaren buru den instrukzioko epailearen ustez, partiden emaitzak moldatzen zituen kirol-ustelkeria sare baten burua da. Zuzendu zuen klubetako dirua bereganatzea ere leporatu dio.
Jose Ignacio Lopez de Arriortua, "Superlopez", hil da
Zornotzarra jaiotzez, automobilgintzan izan zuen ibilbide oparoarengatik izan zen ezaguna.
Martxoaren 3ko sarraskia oroitarazteko artelan berri bat egin dute Gasteizen, jatorrizkoaren gainean
Gasteizko Zaramaga auzoan, Martxoaren 3ko sarraskian oinarritutako jatorrizko muralaren gainean artelan berri bat egin dute. Pinturak 180 metro koadroko azalera hartzen du, eta jatorrizkoaren konposizioa eta aldarrikapen-mezua errespetatzen ditu.
Euskadi eta Nafarroa, % 95etik gorako emaitzekin unibertsitatera sartzeko probetan
24.700 ikasletik gora aurkeztu dira Hego Euskal Herrian, eta hizkuntza-ereduen arabera aldeak nabarmenak dira: Euskadin, euskaraz ikasi dutenen % 96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko eta Batxilergoko orientatzaileek eta Lanbide Heziketako adituek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.