EAEko farmazialariek uda baino lehen utziko diote sendagaien kupoia ebakitzeari
Osasun Saila farmazien kudeaketa-sistemak egokitzen ari da, fakturazioa sendagaien ontzietako datamatrix kodea irakurriz "egunean eta online" egin ahal izateko.
Farmazia baten artxiboko irudia. Argazkia: Europa Press
Euskal Autonomia Erkidegoan (EAE) dauden 840 farmazietako langileek datorren uda baino lehen utziko diote medikuek errezetatutako sendagaien ontzien kupoia ebakitzeari eta ondoren orri batean pegatzeari, fakturazioa digitala eta automatikoa izango baita.
Osasun Saila farmazien kudeaketa-sistemak egokitzen ari da, fakturazioa sendagaien ontzietan agertzen den datamatrix kodea irakurriz "egunean eta online" egin ahal izateko. Aurreikuspenen arabera, "joan den mendekoa den" eginbeharra atzean utzi ahal izango da "hemendik udara".
Hala azaldu du Jon Iñaki Betolaza Farmaziako zuzendariak Gasteizen egindako ekitaldi batean. Bertan, Alberto Martinez Osasun sailburuak eta Milagros Lopez de Ocariz EAEko Farmazialarien Elkargo Ofizialaren presidenteak Osakidetzak farmaziekin dituen programak aurkeztu dituzte.
Gaur egun, bederatzi programa daude martxan, eta 2 milioiko aurrekontua izango dute aurten. Horien artean, medikazioaren erabilera hobetzekoa eta Arabako landa-eremuetan botikak etxez etxe emateko programa, asma artatzekoa, GIBa detektatzeko proba azkarrak, metadona bidezko tratamendua eta hornidurarik ezaz ohartarazteko plana nabarmendu dituzte.
Era berean, sailburuak aurreratu du programa berriak lantzen ari direla, besteak beste, datamatrix kodearen bidezko fakturazioa. Horrekin batera, azaldu du aurreikusita dagoela 2 motako diabetesa dute paziente polimedikatuentzako jarraipen-programa bat hedatzea, farmaziek ospitaleko botikak emateko proiektu pilotu bat martxan jartzea, eta farmazien eta osasun-zentroen arteko komunikazio-programa zabaltzea.
Martinezek azpimarratu du "farmaziak osasun-agente gisa duen zeregina indartzearen" alde egingo dutela, askotan herritarrek osasun-sistemarekin duten lehen kontaktua baitira.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.