Lubitzek hegazkina nahita amildu zuela berretsi du bigarren kutxak
Frantziako Ikerketa eta Analisirako Bulegoak jakinarazi duenez, atzo atzeman zuten Germanwingseko A320 hegazkineko bigarren kutxa beltzaren lehen analisien arabera, Andreas Lubitz kopilotuak nahita amildu zuen hegazkina. Horrenbestez, aurkitutako lehen kutxak emandako informazioa berretsi baino ez du egin bigarren honek.
Bigarren kutxa beltza honek hegaldiaren parametro teknikoak jasotzen ditu. Horien arabera, Lubiltzek pilotu automatikoa ipini zuen hegazkinak behera egin zezan. Gero, hainbat aldiz moldatu zuen aparatuaren abiadura handitzeko.
"Lehen azterketak agerian utzi du kabinan zegoenak pilotu automatikoa ipini zuela 100 oinetara (30 metro) jaisteko eta, gerora, hegazkina arinago erortzeko agindua eman zuela hainbatetan", adierazi du Analisirako bulegoak ohar batean.
A320ren bigarren kutxa beltz hau ostegunean aurkitu zuten eta Parisera eraman, azter zezaten. Erakunde honek berak analizatu zuen lehen kutxa beltza, kabinan erregistratutako elkarrizketak dituena.
Jaso eta berehala, lanean hasi ziren ikerlariak eta oraindik ere aztertzen dabiltza, Alpeetan amildu zen Bartzelona-Dusseldorf bidea egiten zuen hegazkinari jazo zitzaiona argitze aldera.
Bigarren kutxa beltz honi Flight Data Recorder (FDR) deitzen zaio ingelesez, eta hegazkin baten azken 25 orduetan izandako datu teknikoak jasotzen ditu, hala nola, abiadura, altitudea edo pilotutza modua.
Frantziako Jendarmeriaren goi-mendiko taldearen kideetako batek topatu zuen kutxa, "erabat belztuta eta lur azpian".
Brice Robin Marseillako fiskalburuaren esanetan, bigarren kutxa hau "ezinbestekoa" da ezbeharraren nondik norakoak argitzeko eta lehen kutxa beltzak emandako datuak baieztatzeko, alegia, Lubitz kopilotuak hegazkina nahita amildu zuela berresteko.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.