Adingabe batek irakasle bat hil du Bartzelonan
13 urteko gazte batek irakasle bat hil eta lau lagun zauritu ditu Bartzelonako institutu batean, etxean egindako balezta batekin eta laban batekin eraso egin eta gero.
Gertakaria 09:00ak aldera jazo da Joan Fuster La Sagrera auzoan dagoen institutuan, ikerketako iturriek jakinarazi dutenez. Larrialdi Zerbitzuak berehala bertaratu dira.
Esquadrako Mossoek institututik gertu dagoen plaza batean identifikatu (14 urte beherakoa denez, ezin dute atxilotu) eta institutu barruan dute, zaintzapean.
Astelehen honetan guardian zegoen Bartzelonako 24. zenbakiko Instrukzio Epaitegiak izapideak abiatu ditu eta Adingabeen Legea aplikatu du. Hala, adingabeen fiskaltzak eta epaileak izango dute azken hitza. Aurrez, aditu talde batek mutikoaren egoera aztertuko du, adingabea eta haren familia elkarrizketatu ostean.
Horren harira, gaztea psikiatria ospitale batera eraman dute bere osasun egoera aztertzeko. Bestalde, Irene Rigau Hezkuntza kontseilariak esan du 13 urteko mutikoak nahastuta zuela burua, eta ziurrenik agerraldi psikotiko bat izan dela.
Irakasle bat zauritu du aurrena
DBHko 2. mailako ikaslea berandu heldu da ikasgelara. Atera deitu du, eta Gaztelerako irakasleak atea zabaldu dionean, etxean egindako baleztarekin tiro egin dio adingabeak. Ondoren, irakaslearen alaba zen beste ikasle bati eraso dio.
Oihuak entzutean, ondoko gelako irakasle bat bertaratu da eta honi zeraman labanarekin eraso dio gazteak. Bigarren irakasle honek zauria zuen bularraldean eta handik gutxira hil da. Adingabea beste ikasgela batera sartu da eta beste ikasle bati eraso dio labanarekin.
Mutikoak molotov koktel bat ere atera du motxilatik, eta eztandarazi egingo zuela mehatxu egin du.
Hildakoak bi aste zeramatzan Historiako irakasle, beste baten ordezkapena egiten.
Laugarren lagun bat ere zauritu du adingabeak, guardian zegoen irakasle bat. Azken hau institutura bertaratu diren medikuek artatu dute, eta han bertan eman diote senda-agiria. Zauritutako beste hiru lagunak Sant Pau ospitalera eraman dituzte. Hirurek zauri arinak dituzte eta egonkor daude.
Ospitaleko iturriek jakinarazi dutenez, irakasleak zauria du aurpegian eta haren alabak, hankan. Labanaz zauritutako beste mutikoa, 14 urtekoa, egonkor dago.
Bartzelonako Udalak Larrialdien Urgentziazko Zentroa zabaldu du laguntza beharko luketen ikasleen senitartekoak edo ikasleak hartzeko. Larrialdi Zerbitzuek antsietateak jota zeuden hainbat ikasle artatu behar izan dituzte institutuan bertan.
Irakasle guztiak hilko zituela esan omen zuen
Gertatutakoen ikerketa Esquadrako Mossoen Ikerketa Kriminalerako Arloko agenteek hartu dute bere gain, eta lekukoak galdekatzen hasi dira jada.
Ustezko erasotzailearen ikaskide batzuek esan dutenez, adingabeak "irakasle guztiak" hilko zituela eta gero bere buruaz beste egingo zuela adierazi zien. Beste ikasle batzuen arabera, mutilak esan zien "aspalditik" zuela dena pentsatuta eta akabatuko zituen lagunen zerrenda, baina informazio hori gezurtatu egin dute ikerketako iturriek.
Asteazkenean berrekingo diete eskolei
Xavier Trias Bartzelonako alkatea, Irene Rigau Hezkuntza kontseilaria eta hainbat zinegotzi institutura joan dira, gertakariak bertatik bertara jarraitzeko.
Maria Dolors Parramon Joan Fuster institutuko zuzendariak iragarri duenez, bihar zentroan bertan laguntza psikologikoa izango dute ikasleek eta asteazkenean, "ahal den neurrian" eskolei ekingo diete berriz.
Xavier Trias eta Irene Rigaurekin batera eskainitako galderarik gabeko adierazpenean Parramonek azaldu duenez, aparteko klaustroa egingo dute gaur (20:00) "aholkularitza orokorreko neurriak" adosteko eta bihar 10:00etan ikasleak hartuko dituzte (12:00etara etxean egongo dira). Asteazkenerako, berriz, eskolei berrekingo diete eta biktimen omenezko ekitaldi bat egingo dute.
Gertakariak Kataluniako hezkuntza komunitatea astindu du. Sindikatuek jazotakoa gaitzetsi dute eta biktimen senitartekoei doluminak agertu dizkiete. Horrez gain, astearterako bost minutuko elkarretaratze isilak deitu dituzte Kataluniako eskola guztietan (12:00etan). Kataluniako Gobernuak dolu eguna ezarri du astearterako.
Triasek Joan Fuster institutuko kide guztiei babesa agertu die Twitterren:
Zure interesekoa izan daiteke
Idurre Eskisabel: "Euskararen pizkundearen lehen txinparta izango da hau"
Euskalgintzaren Kontseiluak deialdia egin du larunbat honetan Bilbao Arena betetzeko. Hitzorduaren helburua da euskal hiztun guztiak mobilizatzea, Idurre Eskisabel idazkari nagusiaren arabera, euskararen "pizkunde" berri baten aldeko "txinparta pizteko", aldarrikapena eta euskal kultura uztartuz, "kulturgileak funtsezkoak baitira hizkuntza batek zentzua eta etorkizuna izan dezan".
Gizon bat atxilotu dute Gasteizen bikotekidea arrastaka eramateagatik
Gertakariak ostegunean izan ziren, eta genero-indarkeriaren eremuan lesio-delitu bat leporatu diote.
Azkoitiak "irmoki gaitzetsi" du emakume bati egindako sexu-eraso saiakera
Udalean ordezkaritza duten alderdi guztiekbere gaitzespen irmoa adierazi dute eta indarkeria matxista "aitzakiarik gabe desagerrarazi behar den gaitza" dela azpimarratu dute. Arratsaldean, dozenaka pertsonak elkarretaratzea egin dute herriko plazan.
Garraio publikoaren hobariak luzatu dituzte Gipuzkoan 2026rako
15 urtetik beherakoek doan bidaiatzen jarraituko dute; 15 eta 25 urte bitartekoek % 50eko hobaria izango dute; eta gainerakoek % 40koa.
Ipar Euskal Herriko laborariek altxa dute A-64 errepideko blokeoa
Dermatosi nodularraren inguruan aurrerapausoak lortu dituztelako erabaki dute erretiratzea. Hala ere, zikinkeria ugari gelditu da errepidean eta egunak beharko dituzte erabat garbitu eta libre uzteko.
Euskalgintzaren Kontseiluak azken deia egin du larunbateko Bilboko ekitaldira mobilizatzeko
Gizarte-erakundeen bilguneak zabaldutako prentsa-oharraren arabera, Bilbao Arenako hitzorduak euskararen "pizkunde" berri baterako “txinparta” izan nahi du
800 produktu faltsutu baino gehiago atzeman dituzte Bizkaian
Guardia Zibilak faltsututako 800 produktu baino gehiago atzeman ditu Bizkaian, 35.000 euroko balioarekin. Miaketak Getxon (bi) eta Muxikan egin dira. Oraingoz, bi pertsona dira ikerketapean ustezko errudun gisa.
Fiskaltzak 34 urteko zigorra eskatu du Pasaian bikotekide ohia tiroz hiltzea egotzi dioten gizonarentzat
Hilketa matxista 2024ko azaroaren 30ean gertatu zen eta gizonezkoa behin-behineko espetxealdian dago. 2026an zinpeko epaimahai batek epaituko du.
Albistea izango dira: Hotza eta elurra protagonista, animaliarik ez azoketan eta arrain freskorik gabeko egunak Bizkaian
Gaurkoan Orain-en albiste izango direnen laburpena, bi hitzetan.
Lehorreratzeak euskal kostaldean: hondartzetan harrapatuta gelditzen diren itsas animaliak
Baleak, izurdeak, fokak... Tarteka itsasoko animaliaren bat gure hondartzetan gelditzen da harrapatuta. Sareus elkartea arduratzen da kasu horiek kudeatzeaz: erantzunak koordinatzeaz, informazio zientifikoa lortzeaz eta, animalia hil bada, nekropsiak egiteaz. Denis Benito elkarteko kideak fenomeno horien aurrean nola jokatzen duten azaldu digu.