LOMCE, Segiren kontrako epaiketa eta greba Correosen, albiste
LOMCE, Euskal Herriko ikasgeletan
Hego Euskal Herriko ikasgeletara, zehazki Nafarroakoetara, helduko da gaur LOMCE legea, Lehen Hezkuntzako hirugarren mailako 6.724 ikasleek Hezkuntza Lege berrian jasotako azterketa egin beharko dute eta. EAEn, 30 ikasgelatan egingo dute proba. Nafarroan azterketa derrigor egin beharrekoa da, eta gainditzea ezinbestekoa ez bada ere, batez besteko notan eragina izango du.
Guraso elkarte eta hezkuntza eragileek gogor kritikatu dute neurria. Izan ere, Wert legea indarrean jartzen duen lehen erkidegoa izango da Nafarroa Estatuan. Gaurtik hasita ostegunera arte, eskola guztietan egingo dituzte azterketak, "salbuespenik gabe", esan du Foru Gobernuak.
Segiren kontrako beste epaiketa bat
Segi gazte mugimenduaren kide direlakoan, 11 lagunen kontrako epaiketa hasiko da gaur Auzitegi Nazionalean. Talde terroristako kide izatea eta hirigintza-enpresa, banketxe eta halakoei eraso egitearen aldeko propaganda etxean gordetzea egotzi diete 11 gazteei eta 10 urteko kartzela zigorra eskatu dute horientzat.
Hauek dira auzipetuak: Iker Araguas Jusei, Gorka Sueskun Gonzalez, Ibai Azkona Dominguez, Mikel Marin Irurozqui, Diego Javier Octavio Martinikorena, Iñaki Marin Marcero, Iker Aristu Etxeberria, Oihan Unai Ataun Rojo, Mikel Beunza Oroz, Irati Mujika Larreta eta Mikel Flamarique Arbiol. Epaiketa maiatzaren 12an bukatuko da.
Greba Correosen
Correos Espainiako Posta Zerbitzu Publikoko 52.000 langileak grebara deituta daude gaurtik aurrera, maiatzaren 24ko udal eta foru hauteskundeetan posta bidez bozkatzeko epea zabaltzen den honetan.
CCOO, UGT, CSI-F eta Sindicato Libre sindikatuek 24 orduko sei greba egun deitu dituzte lan-hitzarmena negoziatzeko orduan dagoen "blokeoa" salatzeko.
Herritarrek maiatzaren 20ra arte dute posta bidez bozkatzeko, eta hain justu, egun horretara arte deitu dituzte lanuzteak sindikatuek (txandakako egunetan egingo dituzte).
Donostiar bat hil da ezkondu aurreko festa batean
32 urteko donostiar bat zendu da asteburuan Salamancan, ezkondu aurreko festa batean. Autopsiaren arabera, hainbat organok huts eginda hil da gaztea, drogak eta alkohola hartu ostean. Hain justu, arrazoi berarengatik, beste bi lagun daude ospitalean, baina biak egonkor daude. Larunbat gauean, gaztea ondoezik sentitu zen, eta lagunek hotelera eraman zuten, atseden hartzera. Biharamunean, logelara bila joan zitzaizkion, baina hilik aurkitu zuten, eta larrialdi zerbitzuetara deitu bazuten ere, haren heriotza egiaztatu besterik ezin izan zuten egin.
Immigrazioaren drama
Asteburuan, 10 lagun hil dira eta 4.500 uretatik atera dituzte Mediterraneoan, Italiako Itsas Armadak jakinarazi duenez. Iturrion arabera, Europako kostaldera heltzen ari den etorkinen kopurua gora doa.
Libiako uretatik gertu atzeman zituzten gorpuak. Inguru horretan izan dira hondoratze gehienak, eta apiril hasieran 900 lagun baino gehiago hil ziren.
Tragediak Europako agintariak mugiarazi zituen, eta etorkinen trafikatzaileen kontra egiteko eta erreskate lanetan aritzeko baliabide gehiago hartzea erabaki zuten.
Zure interesekoa izan daiteke
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.