Uriarte:'Behar ez den alarma sortzen ari da proba pilotuaren inguruan'
Lehen Hezkuntzako 3. mailako proba pilotuen inguruan "behar ez den alarma" sortzen ari dela salatu du Cristina Uriarte Eusko Jaurlaritzako Hezkuntza, Hizkuntza Politika eta Kultura sailburuak eta, gainera, gurasoei eta ikasleei probari buruzko informazio okerra ematea egotzi die sindikatuei eta EHIGE eta Sarean elkarteei.
Cristina Uriartek eta Arantza Aurrekoetxea Hezkuntzako sailburuordeak prentsaurrekoa eskaini dute ostegun honetan Bilbon, Euskal Autonomia Erkidegoko hainbat ikastetxetako gurasoak eta ikasleak Lehen Hezkuntzako 3. mailako probari egiten ari zaizkion plantoa hizpide izan dute.
Uriartek atsekabea adierazi du, haren esanetan, familiek Lehen Hezkuntzako 3. mailako probari buruzko informazio "urria" eta "zehaztasunik gabea" jaso dutela argudiatuta.
Hezkuntza sailburuaren esanetan, hezkuntzako eragile guztien parte-hartzearekin garatu da Oinarrizko Hezkuntzako curriculumari buruzko proiektua. Gaineratu duenez, ikasleentzat ez du ondoriorik izango eta hezkuntza zentroek eurek egingo dute azterketa Hezkuntza Sailak horien eskura jarritako irizpideak eta ereduak kontuan hartuta.
Bestalde, azpimarratu du diagnosi probak ez duela islarik izango ikaslearen espedientean. Hori dela eta, planto horiekin LOMCEren kontrako jarrera azaldu nahi badute, Uriartek nabarmendu du Jaurlaritza hasieratik agertu dela Hezkuntza Lege berriaren aurka.
Diagnosi proba horien gaineko erantzukizuna Hezkuntza Sailarena eta hezkuntza zentroena dela berretsi du Uriartek, eta hobekuntzarako bide moduan ulertu behar dela gaineratu du.
"LOMCEk ekar ditzakeen ondorio txarrak saihesteko lanean ari gara eta, zehazki, ebaluazio proben gaian, helegitea aurkeztu genuen Auzitegi Konstituzionalean eta Hezkuntza Batzordearen bilera batzuetan ez dugu parte hartu", esan du. Azkenik, erantzukizunez jokatzeko dei egin die gurasoei.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.