Morateren familia: 'Ez dago basakeria hau barkatzerik'
Sei eguneko isiltasuna hautsi du Sergio Morate Cuencako bi neskaren hilketarekin lotutako susmagarri nagusiaren familiak. Facebook sare sozialean jarritako ohar batean, hilketa matxista gaitzetsi du, eta Laura del Hoyo eta Marina Okarynska biktimen senitartekoei doluminak eman dizkie. "Ez dago basakeria hau justifikatzerik edo barkatzerik", esan du.
Muebles Chillaron Morateren familiak duen altzari dendaren fan pagean eskegitako oharraren bidez, Sergiori berari, Poliziari, kazetariei eta bi nesken senitartekoei zuzendu zaie. Horrez gain, xingola beltz bat ipini dute orrialdearen profileko argazki gisa, eta Laura eta Marina izenak jarri dizkiote.
"Ez dakigu zein deabruk hartu zintuen, baina jakizu bi neska horiek hiltzeaz gain, haien familia eta zurea izan zena ere hil dituzula. Ez dago basakeria hau justifikatzerik edo barkatzerik", adierazi du bi emakume horien ustezko hiltzailearen familiak.
"Espero dugu laster topatzea eta betiko kartzelatzea. Agian, zeure onera etorriko zara orduan, eta konturatuko zara zeure burua ere hil duzula", erantsi dute.
Familiak Facebooken eskegitako oharraren zati bat.
Del Hoyo eta Okarynskaren guraso eta anai-arrebei zuzendutako mezua da denetan luzeena: "Albiste gabe igarotzen genituen egun amaigabe bakoitzean genuen larritasuna, zalantza eta sufrimendua jasangaitza zen bakoitzean, zuekin akordatzen ginen, eta lotsa ematen zigun kexatzea. Gurea mina handia bazen, ezin dugu zuen agonia imajinatu ere egin", agertu dute.
Morate eta Garces familiaren aburuz, ez da egokia eurak dolu ekitaldietan egotea, "akaso gizon gorrotagarri hori gogoraraziko dizuegu", argudiatu dute. Dena dela, biktimen hiletan eta haien omenezko ekitaldietan egoterik ez badute ere, eurekin egongo dira "galdutako biziek utzitako atsekabeagatik".
Poliziari emandako tratua eskertu diote Sergio Morateren senitartekoek, eta Poliziak aholkatuta egon direla isilik azaldu dute. Hilketaren "erruduna edo errudunak" lehenbailehen harrapatzea espero dutela erantsi dute. Sei egun hauetan "min gehiago posible ez zenean mina areagotu duten gezur zitalak" zabaldu dituzten kazetariei ere mezua helarazi die familiak. "Etika arriskuan duten" kazetari horiei "euren metodoen inguruan hausnarketa egiteko" eskatu die; izan ere, "gizarteak nahikoa munstro ditu", eta komunikabideek "euren kontrako mezuak zabaldu behar dituzte, berriak ondo emanez".
Zure interesekoa izan daiteke
Basauriarrek bigarrenez gaitzetsi dute Amaiaren hilketa matxista
Udalak deituta, elkarreratze isila egin dute eguerdian Azaroak 25 plazan, sortzez Berangokoa zen 44 urteko emakumearen hilketa salatzeko. Hain justu, Berangoko Udalak beste bilkura bat deitu du astearterako.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. Ikerketaren iturriek EITBri baieztatu diotenez, urruntze agindu bat zegoen indarrean, baina atxilotuak askotan urratzen zuen.
17 urteko mutil batek polizia-kontrol batetik ihes egin du asegururik eta IATrik ez zuen auto batekin, Beriainen
Adingabeak giltzak ostu zizkion amari, eta jazarpen arriskutsu baten ostean, egindakoa "Instan argitaratuko ote zen" galdetu zien agenteei.
Adingabe bat sastatzeagatik Murgian atxilotutako bost gazteek polizia-etxean jarraitzen dute
Erasoa ostegun arratsaldean gertatu zen, Gasteizko Oto etorbidean.
Gizon bat atxilotu dute Barakaldon, indarkeriaz egindako lapurreta bat artatzera joandako udaltzainei labanaz mehatxu egitea egotzita
Agenteak taser pistola bat erabiliz saiatu ziren hura geldiarazten, eta ez zutela lortzen ikusita, tiro egin zioten hanka batean. Atxilotua Gurutzetako Ospitalera eraman zuten gero, baina arriskutik kanpo dago.
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean ekoturismoa egiten duen Begi Bistan enpresako kideak esan du arazoa mundu mailakoa eta azken hamarkadetako plastikoaren gehiegizko erabileraren ondorioetako bat dela.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian izandako hilketa matxista, eta deitoratu duenez, oraindik ere entzuten dira herritarren artean indarkeria matxista ez dela existitzen dioten diskurtsoak edo arazoari garrantzia kentzen diotenak. Horregatik, horren ustez, arlo guztietatik lan egin behar da horri aurre egiteko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.