Ezkontza deuseztatzeko prozesua, doakoa eta azkarragoa
Ezkontza katolikoa deuseztatzeko prozesua arinagoa, errazagoa eta merkeagoa izango da aurrerantzean, Frantzisko aita santuak astearte honetan onartu duen erreformari esker.
Vatikanoak bi motu proprio (aita santuaren idazkiak) aurkeztu ditu gaur: "Mitis Iudex Dominus Iesus" eta "Mitis et misericors Iesus". Idatzi horietan, ezkontza katolikoa deuseztatzeko erreformaren nondik norakoak azaltzen dira, eskubide kanonikoari zein ekialdeko elizen kanonen kodeari dagokienez.
Erreformaren helburua, Frantzisko aita santuaren hitzetan, "arrazoi fisiko eta moralak tarteko, Elizaren egitura juridikoetatik urruntzen diren fededunak hurbiltzea da".
Dena dela, aita santuak azpimarratu duenez, ezkontza katolikoa berez "ezin da desegin", baina "errukiak eta karitateak bultzatuta, banatuta sentitzen diren semeengandik hurbil egon behar du Elizak, ama bailitzan".
Ezkontza katolikoa deuseztatzeko prozesua luzea zen orain arte. Kasu bakoitza bi auzitegik aztertu behar zuten. Erabaki irmoa izateko, biek berretsi behar zuten ezkontza baliogabetzeko erabakia. Hemendik aurrera, baina, "epai bakarra" izango da, "gotzainaren ardurapean dagoen epaile bakar batek sinatuta" (orain arte, hiru epailek hartzen zuten esku prozesuan).
Horrez gain, Elizaren auzitegietako langileek jaso beharreko "soldata duin eta bidezkoa" bermatuta, prozesua doakoa izateko beharra azpimarratu du aita santuak.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.