Oregi: 'Euskadik % 25 murriztu ditu isuriak'
Euskadik "aurrerapauso garrantzitsua egin du klima-aldaketaren gaineko politikan", Ana Oregi Eusko Jaurlaritzako Ingurumen eta Lurralde Politika sailburuak jakitera eman duenez. 2005etik ( erreferentzia urtea, Europar Batasuneko ahalegin banaketan), % 25 murriztu ditu bere isuriak EAEk, eta % 10, berriz, 1990etik. "Azken 25 urteotan Euskadiren ekonomia % 69 hazita lortu du, gainera, murrizketa hor", sailburuaren hitzetan. "Horrek zera esan nahi du: euskal gizarteak % 47 hobetu duela eraginkortasunean, sortutako BPG unitate bakoitzeko CO2-ari dagokionez. 2005 urtearen aldean, ostera, % 28 hobetu da eraginkortasuna", gaineratu du.
Klima Aldaketaren Kontrako Estrategia-KLIMA 2050 plana aurkeztu du Ingurumen Sailburuak, gaur, Donostian, eta bertan eman ditu datuok. Pariseko COP21 Klima Aldaketaren Munduko Goi Bilera egingo da hiru aste barru, eta Eusko Jaurlaritza bertan izango dela aurreratu du Oregik. "Euskadi berotegi-efektuko gasen murrizketa nabarmenak beteta joango da Klima Aldaketari buruzko Pariseko Munduko Goi Bilerara", esan du.
Energia jasangarriagoetara eginiko trantsizioa erabakigarria izan da. Erronka, orain, batez ere, garraioena da. Erabiltzen ditugun garraioak errepidera lotuegiak dauden oraindik, eta ondorioz, isuriek gora egiten jarraitzen dute. Hori izango da gaur aurkeztutako KLIMA 2050 estrategia planaren erronketako bat. Helburua, isuriak % 80 murriztea da.
Kursaalen egin den ekitaldian, aipamen berezia jaso dute Amurrio, Areatza, Balmaseda, Bilbo, Donostia, Durango, Errenteria, Legazpi, Tolosa eta Gasteiz udalerriek, mundu mailan abian jarritako 'Compact of Mayors' ekimenarekin bat egin dutelako, isuriak murrizteko helburuarekin. Mundu osoan gas isuriak murrizteko lanean diharduten udalek osatzen dute ekimena.
Besteak beste, Eneko Goia Donostiako alkatea, Gorka Urtaran Gasteizkoa eta Josu Madariaga Ingurugiro sailburuordea egon dira goizeko aurkezpenean.
Zure interesekoa izan daiteke
Hemen da San Tomas, urteko feria nagusia
Bilbok eta Donostiak urteko azokarik garrantzitsuenetako bat ospatuko dute igande honetan. Aterkia ezinbestekoa izango da egunean zehar, fronte batek prezipitazioak utziko baititu.
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.