Igeldoko sutea itzali, eta Igantzikoa kontrolpean dute
Atzo arratsaldean Igeldo mendian piztutako sutea dagoeneko itzali dute, baina suhiltzaile-talde bat bertan geratu da, ingurua zaintzen, eta hala jarraituko dute gauean ere.
Gauean zehar suaren arriskupean zeuden guneetako hainbat bizilagun etxetik atera behar izan dituzte sua gertu zegoelako. Bi landetxetan ostatu hartuta zeuden hogei bat lagun Donostiako aterpetxe eta hotel batera eraman dituzte gaua igarotzera. Bost baserritako bizilagunak ere atera behar izan dituzte, eta lagun eta senideen etxebizitzetan eman dute gaua.
Donostiako alkatearen bisita
Donostiako alkate Eneko Goiak bisitatu du, larunbatean egin zuen moduan, sugarrek kaltetutako gunea. Alkateak emandako azalpenen arabera, suak Igeldoko eremu handia erre du (200 bat hektarea), eta kiskalitako eremua Donostia eta Orioko lurretan dago. "Gehiengoa zuhaixka baxua da, ez dago ia zuhaiztirik", esan du.
Eneko Goiak nabarmendu du egoera “arriskutsua” izan dela, sutea baldintza oso berezitan sortu baita: Gipuzkoako hiriburuan, larunbatean 25 gradu zeuden, nahiz eta urte amaieran egon, eta, gainera, “landaredia oso lehor dago”.
Igantziko sutea
Igantzi eta Lesaka arteko baso batean atzo piztutako sutea ere kontrolatu dute suhiltzaileek.
Nafarroako Gobernuak jakitera eman duenez, goizean goiz, Iruñeko suhiltzaile parketik bederatzi kamioi igorri dituzte Igantzira, han atzotik ari zirenei laguntzera. Cordovillako, Oronozko, Altsasuko, Aurizko eta Nabaskozeko suhiltzaileak aritu dira lanean kaltetutako tokian.
Kearen ondorioz, N-121-A errepidea moztuta egon da hainbat orduz bi noranzkoetan, Igantziko Benten parean. Inguruko baserri bateko bizilagunak ere etxetik atera dituzte, badaezpada.
Lehen ikerketen arabera, linea elektrikoaren gainera eroritako zuhaitz batek eragin zuen sutea, eta, haizearen ondorioz, berehala zabaldu da sua.
Uxue Barkos Gobernuko presidenteak aginte aurreratuko postua bisitatu du, Lesakako suhiltzaile boluntarioen parkean. Bertan, egoeraren berri eman diote, eta sua itzaltzeko lanen nondik norakoak azaldu dizkiote. Barkosek zoriondu egin ditu suhiltzaileak.
Zure interesekoa izan daiteke
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.