Bi langile hil dira Ondarroako enpresa batean jazotako eztanda batean
Bi langile hil dira gaur arratsaldean Ondarroan (Bizkaia), izotz lantegi batean jazotako amoniako eztanda baten ondorioz.
SOS Deiak larrialdi zerbitzuak azaldu duenez, leherketa 14:45ean jazo da, Santa Klara konpainian, Egidazu Kaia kalean.
Eztanda konpresore batean gertatu da. Horren ondorioz, gainera, amoniako isuria ere jazo da, baina suhiltzaileek kontrolatuta dute jada.
Bi biktimak herrikoak ziren, 53 eta 55 urtekoak. Horietako bat LABeko ordezkaria zen, sindikatu abertzaleak jakinarazi duenez.
Hasiera batean, suhiltzaileek lantegiaren instalazioak arakatu dituzte, hirugarren langile bat desagertutzat jo baitute. Azkenean, baina, baztertu egin dute beste biktima bat egotea.
Baliteke gorpuak deskutsatu behar izatea, Angel Toña Eusko Jaurlaritzako Enplegu sailburuak azaldu duenez. Ondarroakoa da Toña, eta bertaratu egin da gaur, gertatutakoa jarraitzeko.
Leherketa txanda aldaketa egiten ari zirela gertatu da. Horrek galarazi egin du biktima gehiago egotea.
Biktimen senideak bertaratu dira, eta Santa Clara kofradian gela bat prestatu diete, laguntza psikologikoa jasotzeko.
Lekuko batek Radio Euskadin azaldu duenez, leherketaren unean lantegitik gertu zegoen, eta bat-batean "ke zuria" ikusi du: "ez dut entzun eztanda, baina ikusi dut ke zuria zeriola; hasiera batean, hori ez da arraroa kai batean. Ondoren, baina, etorri dira anbulantzia, Ertzaintza…"
Udalak elkartasuna adierazi die biktimen senideei, eta astearte honetan ezohiko saioa egingo du, bi dolu-egun deitzeko.
Saio horretan, Zunbeltz Bedialauneta alkateak adierazpen instituzional bat irakurriko du. Gaur, eztanda izan den lekura gerturatu da.
LAB sindikatuak deia egin du lan istripua salatzeko deituko dituzten mobilizazioetan parte hartzeko.
Zentral abertzaleak "elkartasuna eta babesa" agertu die biktimen senideei, eta aurten Euskal Herrian gutxienez 14 langile hil direla salatu du.
Sindikatuak adierazi duenez, "lan istripuak eredu krudel baten eta patronalak inposatutako lan baldintzen ondorio dira".
Bestalde, ELAk, CCOOk eta UGTk gertatutakoa premiaz ikertzeko eskatu diote Osalani.
Istripu honekin, zorigaitzak berriz ere astindu du Ondarroa. Izan ere, 180 familia etxetik kanpo daude, lur-jausi bat dela eta.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.