Whatsapp bidez bideo-deiak egiteko iruzur zerbitzu berria
Whatsapp bidez bideo-deiak egiteko aukera ematen duen iruzurrezko zerbitzuaren berri eman du Internautaren Segurtasun Bulegoak. Mezularitza-zerbitzuaren nortasuna ordezkatzen du iruzurrezko zerbitzu horrek erabiltzaileen zenbait datu pertsonal lortzeko asmoz.
Internautaren Segurtasun Bulegoak bere webgunean ohartarazi duenez, erabiltzaileek mezu bat jasotzen dute Whatsapp bidez bideo-deien zerbitzua aktibatzeko eta wsx.xo webgune batera eramaten ditu.
Esteka horretan Whatsappeko bertsioa egiaztatzen edo gezurrezko eguneratze pantaila agertuko zaio erabiltzaileari.
Aurrera jarraitu ahal izateko, beste hainbat lagunekin mezua partekatzeko eskatuko dio erabiltzaileari, horrela ez badu egiten, ezin izango du aurrera jarraitu.
Argazkia: Internautaren Segurtasun Bulegoa.
Ondoren, sistema faltsuak telefonoa gaurkotu gabe dagoela eta gaurkotzeko eskatuko dio erabiltzaileari. Horretarako, telefono zenbakia eta telefonia mugikorreko operadorea zein den zehaztu beharko du. Hori horrela, erabiltzailea SMS Premium zerbitzuetara harpidetuko da, ohartarazi du Internautaren Segurtasun Bulegoak.
Iruzurrean eroritakoek beraien posta elektronikoa edo mugikorraren telefono zenbakia argitaratuta aurkitu dezakete Sarean. Hori dela eta, adi egoteko eta, datu pribatuak baimenik gabe erabiltzen ez dituztela ziurtatzeko, noizbehinka googlen gure datuak bilatzeko gomendioa egiten dute Internautaren Segurtasun Bulegotik.
Datu pertsonalak baimenik gabe erabiltzen ari dituztela ikustekotan, Datuen Babeserako Espainiako Agentziara jo dezakegu, datu horiek zuzentzeko edo bertan behera uzteko aukera ematen baitigu.
Iruzurrean erori izandakoa bazara, adi eta zure operadorera deitu SMS Premium zerbitzuak bertan behera uzteko.
Iruzurrak saihesteko, Internautaren Segurtasun Bulegoaren gomendioa da online egiten diren promozioen egiazkotasuna ezagutzen ez baduzu, ez sartu datu pertsonalik.
tu pertsonalik.Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.