Camorrako 21 ustezko kide absolbitu ditu ANk, proba faltagatik
Auzitegi Nazionalak Camorrako Polverino taldeko 21 kide absolbitu ditu. Epaitutakoei haxix-trafikoaren bidez lortutako dirua Espainian zuritzea, legez kanpoko sozietate bat sortuta, egotzi zieten. ANk, alabaina, ez du probatutzat jo dirua zuritu dutenik, ezta droga-trafikoan irabazitakoa denik.
21 akusatuon artean Giuseppe Polverino taldeko ustezko burua ere bazegoen. Ustelkeriaren aurkako Fiskaltzak 10 urteko eta lau hilabeteko kartzela zigorra eskatu zuen baina, azkenean, batek bakarrik -Vincezo Panico- jaso du zigorra, urtebete eta hilabetekoa, armak edukitzeko baimenik ez izateagatik.
Polverino 'O Barone' Napoliko Camorrako buruzagi nagusienetakotzat jotzen dute. 2012an Jerez de la Fronteran (Kadiz) atxilotu eta Italiara bidali zuten, bertan 60 urteko espetxe-zigorra betetzen ari da, mafiaren kide izateagatik eta drogekin trafikatzeagatik.
Auzitegi Nazionaleko Zigor Arloko hirugarren sekzioak zabaldutako epaiaren -110 orrialdekoa- arabera, ez dago daturik baieztatzen duenik Adejeko (Tenerife) turismo guneko batean eraikitako apartamentuak (Marina Palace deitutakoak) haxix-trafikoan lortutako diruarekin ordaindu direla.
Alfonso Guevara, Juan Pablo Gonzalez eta Fermin Echarri epaileen iritzian, halaber, ezin da probatutzat jo "akusatuen arteko kidetasuna, are gutxiago harreman hori erabili denik plan kriminal zehatz bat egiteko, horietako asko ez baitziren ezagutzen" eta "besteek lotura familiarrak, ekonomikoak edo bestelakoak dituztelako".
Auzitegiaren arabera, baztertuta dago ustez zuritzeko zuten dirua, Fiskaltzak eta Poliziaren txostenek ziotenez, haxix-trafikoaren bidez lortu dutenik, akusatuek "hainbat jardueren probak" aurkeztu dituztelako.
Hori dela eta, epaileek esan dute ez dagoela frogatuta akusatuak "mafiaren talde baten kide direnik, Kanarietan kapitalak zuritzeko, higiezinetan inbertituta".
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.