Epaileak ukatu egin du Pablo Ibarren behin behineko askatasuna
Pablo Ibar euskal jatorrizko presoaren auzia epaitzen ari den epaileak ukatu egin du gaur, ostirala, Ibarren behin behineko askatasuna, Candido Ibar presoaren aitak EFEri jakinarazi dionez. Otsailean baliogabetu zuten Pablo Ibarren heriotza-zigorra, eta espero zuten epaileak behin behineko askatasuna onartzea.
Raaj Singhal epaileak, hala, galarazi du Ibarrek kalean itxaron ahal izatea epaiketa berria hasi arte. Berriz epaitu beharko dute Ibar, hiru pertsona hiltzea egotzita, hain zuzen, 2000 urtean heriotza-zigorra jaso zuen auziagatik. Candido Ibar Fort Lauderdalen (Miami) egindako epaiketan izan da, bere semearekin batera, auziaren jarraipena egiteko saioan.
Pablo Ibar AEBn heriotza-zigorra jaso duen euskal jatorrizko preso bakarra izan da otsailera arte, eta ia 22 urte daramatza giltzapetuta.
Sighal epaileak "jarraipen konferentzia" (horrela deitzen diote AEBn) gidatu du; izan ere, uztailaren 14an egindako beste batean iragarri zuen gaurkoa, defentsak aurkeztutako bi mozio aztertzeko helburuarekin.
Uztailaren 14an, Sighalek iragarri zuen denbora gutxian erabakia hartuko zuela, Ibarren abokatuek eskatutako fidantzapeko behin behineko askatasunaren inguruan.
Fort Lauderdaleko auzitegietan egindako saioaren hasieran, epaileak defentsaren eta akusazioaren lan handia eskertu du, eta biei agiri bat eman die, irakur dezaten.
Une horretan, Ibarrek aretoan zeuden senideei begiratu die aurpegi serioarekin, EFEk aretoan bertan baieztatu ahal izan duenez.
Handik minutu batzuetara, aretoaren kanpoaldean, eta saioak jarraitzen zuen bitartean, Ibarren aitak adierazi du epaileak ukatu egin duela behin behineko askatasuna.
Gaur aztertu behar zuten mozioetako batean Gary Foy lekukoaren testigantza baliogabetzeko eskatu zuten, berak baieztatu baitzuen, hilketatik hiru ordura, Ibar biktimen autoan ikusi izana.
Beste mozioan, uztailaren 14an zabaldutako informazioaren arabera, Floridako estatuan Pablo Ibarri ezarritako heriotza-zigorrak konstituzioaren aurka egin zuela diote.
Ibarren aurka egindako lehen epaiketa, 1998an, baliogabe jo zuten, epaimahaiaren desadostasunengatik. Bigarrena ere bertan behera utzi zuten, bestelako arrazoiengatik. Azkenik, 2000. urtean heriotza-zigorra ezarri zioten Ibarri, klub baten jabea eta bi modelo 1994an hiltzea egotzita.
Zigorra aurreko otsailean baliogabetu zuen Floridako Auzitegi Gorenak, besteak beste, ez zutelako "DNAren arrastorik topatu berreskuratutako kamiseta batean", alegia, hiltzaileak erabilitakoa "aurpegia estaltzeko".
ia estaltzeko". ia estaltzeko". ia estaltzeko".Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.