Unibertsitaterako hautaprobaren diseinuan ari da lanean Euskadi
Unibertsitatean sartzeko 2017-2018 ikasturterako proba diseinatzen ari direla esan du gaur Cristina Uriarte Eusko Jaurlaritzako Hezkuntza sailburuak, Hezkuntzaren Kalitatea Hobetzeko Lege Organikoaren inguruan sortutako "zalantzak" argitzerik duen galdetuta.
"Hezkuntza Ministerioaren arabera, Legeak indarrean jarraitzen du, baina hori gelditzeko elkarrizketak egiten ari dira. Ezin gara geldirik egon zer gertatuko den zain; erabakiak hartu behar ditugu, eta gurean egin behar dugu lan", azaldu du sailburuak.
Ikasturtea abiatzeko ekitaldian, Bilbon, Cristina Uriartek Hezkuntzaren Kalitatea Hobetzeko Lege Organikoaren gainean adierazi duenez, "ezer konpontzen eta dena zapuzten duen legea da".
Umeak, gaur, ikasturte hasieran. EFE
Bestalde, Hezkuntzaren Kalitatea Hobetzeko Lege Organikoak aurreikusitako batxiler-titulua lortzeko amaierako azterketa egingo ote den ez dakiela esan du Uriartek. Errebalida ikasturte honen bukaeran egin beharko lukete ikasleek, baina ez luke eragin akademikorik izango hurrengo ikasturtera arte.
IKASTURTEAREN BERRITASUNAK
Halaber, ikasturte hasiera honetako daturik esanguratsuenak eman ditu sailburuak, horrek dakartzan berritasun nagusiekin batera. Euskadiko unibertsitatez kanpoko ikasketa mailetan, 373.117 ikasle hasi dira jada ikasgeletan. Datu honek igoera arin bat dakar (% 1ekoa), iazkoarekin alderatuta.
Hala ere, Haur Hezkuntzako lehen zikloan (0-2 urte), jaitsiera izan da aurten ere, ia puntu batekoa, azken urteetako jaiotzen beherakadaren ondorioz. Haur Hezkuntzako bigarren zikloan (2-5 urte) ere, matrikula beherakada izan da: aurreko ikasturtean baino % 3,27 gutxiago izango dira aurten.
Lehen Hezkuntzan (6-11 urte), % 1,07 hazi da ikasleen kopurua; DBHn (12-15 urte), % 3,02; Batxilerren (16 urte baino gehiago), % 0,61, eta LHn (16 urtetik aurrera), % 5,30.
Euskadiko familiek aukeratzen duten hezkuntza sareari dagokionez, berriz, publikoaren eta itunpekoaren arteko orekak jarraitzen du ezaugarri nagusi izaten. Ikasleen % 50,9k sare publikoan ikasten dute, eta gainerakoek (% 49,1), itunpekoan.
Hizkuntza-ereduei begiratuta, D eredua da ikasleek gehien eskatzen dutena. Haur Hezkuntzan, ikasleen % 77,8k (iaz baino % 0,7 gehiago) aukeratu dute eredu hori. Beste muturren dago A eredua: ikasle berrien % 4k bakarrik aukeratzen dute eredu hori.
ENPLEGU PUBLIKORAKO ESKAINTZA, LANBIDE HEZIKETAN
Bere hitzaldian, Hezkuntza Saila prestatzen ari den Enplegu Publikorako Eskaintza berria ere izan du hizpide sailburuak. Lanbide Heziketako irakasleei zuzenduta egongo da, eta udan deituko dute. "Plaza kopurua urte amaieran zehaztuko da, Espainiako Gobernuak ezartzen dituen mugak tarteko, baina uste dut iazko EPEaren pareko kopurua izango dela?. 2016an burutu den EPEari buruz, berriz, Uriartek jakinarazi du plaza eskuratu duten 529 irakasle (Bigarren Hezkuntzakoak) dagoeneko euren lanpostuetan ari direla lanean.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.