Lau urteko zigorra Flores enpresariari, Madrid Arenako tragediagatik
Madrilgo Lurralde Auzitegiak lau urteko kartzela zigorra ezarri dio 2012an Madrid Arena pabiloian Halloween jaia antolatu zuen Miguel Angel Flores enpresaburuari, orduan izandako tragediaren "arduradun nagusia" dela iritzita. 2012ko azaroaren 1ean Madrid Arenan izandako jende pilaketaren ondorioz, bost neska hil ziren.
Bestalde, Simon Viñals eta Carlos Viñals Halloween jaiko mediku taldearen arduradunak eta Emilio Monteguado Madrilgo Udaltzaingoaren buru ohia absolbitu egin ditu.
Epaimahaiak arduragabekeriaz jokatzea, bost homizidio delitu eta 29 laguni lesioak eragitea leporatu dio Miguel Angel Floresi.
Ildo horretan, Miguel Angel Flores enpresaburuaren jokabidea zuhurtziarik gabea izan zela eta negozio horietan diharduen enpresaburu batengan ezohikoa dela iritzi dio epaileak. Are gehiago, "une oro ahalik eta etekin ekonomiko handiena" ateratzeko aritzea egotzi dio.
Tragediaren arrazoiei dagokienez, epaimahaiak uste du frogatuta gelditu dela Madrid Arena pabiloiak har zezakeena baino jende gehiago zegoela gau hartan; zehazki, 16.600 pertsonatik gora. Halaber, eskailerak eta korridoreak itxi eta jendea larrialdietako irteeretatik, zuzenean, pistara bideratu izanak ere tragedia eragin zuela gaineratu du.
Floresez gain, epaimahaiak hiru urteko kartzela zigorra ezarri die Francisco del Amo Madrideceko proiektu arduradunari eta Santiago Rojo Halloween jaia sustatu zuen Diviertt enpresako zuzendari orokorrari, zuhurtziagabekeriazko giza hilketa eta lesio delituak leporatuta. Gainera, bi urte, sei hilabete eta egun bateko kartzelaldia ezarri die Miguel Angel Morcillo Diviertt enpresako pertsonaleko buruari eta Carlos Manzanares Kontrol 34 segurtasun pribatuko enpresako bazkide nagusiari. Halaber, Juan Jose Paris Nalda eta Raul Monterde Seguriber enpresako nagusiei 3.600 euroko isun bana ezarri die.
Bestalde, Viñals medikuez eta Monteagudo udaltzain buru ohiaz gain, epaimahaiak zigorrik gabe utzi ditu Rafael Pastor Madrideceko segurtasun saileko zuzendaria, Roberto Mateos Madrid Arena pabiloiko kameren kontrolaz arduratzen zena, Emilio Beillard Kontrol 34 enpresako akziodun minoritarioa, Jose Antonio Diaz Romero Halloween jaian Seguriber enpresako langileen burua zena eta Jose Ruiz Ayuso Madrideceko operazioen teknikoa.
Epaia behin-behinekoa da eta aldeek bost eguneko epea dute Auzitegi Gorenean kasazio helegitea aurkezteko. Miguel Angel Floresen abokatuak dagoeneko iragarri du helegitea aurkeztuko duela Gorenean.
Albiste gehiago gizartea
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Pertsona bat atxilotu dute sanferminetako txupinazoaren aurretik, Udaltzaingoak Santo Domingon kargatu ostean
Udaltzainek esku behar izan dute gazte-talde handi bat Udaletxe Plazara indarrez sartzen saiatzen ari zelako, polizia-hesia apurtuz eta sarbidea itxita zegoenean. Atxilotutako pertsonari desordena publikoak eta agenteen aurkako atentatua leporatu diote. Radio Euskadik grabatutako irudiak.
Panticosako bainuetxeko errepidea berriz ireki dute
Ostegunetik zegoen itxita, errepidera harriak eta lurra erori baitziren, ur-zaparrada batek eraginda.
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko gizonezko bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.