'Black Friday'ren ostean, 'Cyber Monday'
Astelehenez amaituko dira Gabon aurreko eskaintzak. Gaur, hilak 28, 'Cyber Monday' edo Ziber Astelehena da, eta saltoki askok merkealdia egingo dute sarean. Izan ere, "Black Friday" egunean ez bezala, interneten bakarrik izaten dira beherapenak.
Ostiral Beltzak eta Ziber Astelehenak, biek, AEBn dute jatorri. Esker Emate Egunaren biharamunean eta hurrengo astelehenean ospatzen dira, Gabon aurreko kontsumoa sustatu nahian. AEBn arrakasta handiko hitzordua da 'Black Friday', eta ilarak izaten dira nonahi. Zenbaki gorriak izatetik zenbaki beltzak izatera igarotzen dira dendak; galerak izatetik irabaziak izatera, alegia. Hortik omen datorkio izena Ostiral Beltzari.
Merkataritza elektronikoa ugaritu zenean jaio zen 'Cyber Monday' izenaz ezagutzen dena, Ostiral Beltzean saldu barik geratu direnak interneten saltzeko.
Aurreko urteetan bezala, Amazon erraldoi elektronikoak bost minuturo eskaintza berriak ateratzen ditu. El Corte Ingles enpresak ere ehunka produktu merkatu ditu, eta, 50 euroko erosketa eginez gero, bidalketa doan egiten du. Media Marktek ere, bat egin du Ziber Astelehenarekin.
Arropa dendei dagokienez, Pull and Bear denda-kateak doako bidalketak eskaintzen ditu webgunean; Mangok % 20ko deskontua egin dio bilduma guztiari, eta H&Mk prezio erdian jarri ditu hainbat arropa eta osagarri.
Albiste gehiago gizartea
58 urteko gizon bat zauritu da entzierroaren aurretik balkoi zati bat gainera erorita
Santo Domingo aldapan, etxebizitza bateko balkoi batetik erlaitz zati bat askatu da, eta gizonaren sorbalda gainean erori da. Suhiltzaileek etxebizitzako aurrealdea garbitu eta segurtasun neurriak jarri behar izan dituzte eta, horren ondorioz, entzierroaren hasiera pixka bat atzeratu da.
Giro nahasiarekin jarraituko dugu, eta abisu horian egongo dira Araban eta Nafarroan
Euri-zaparrada trumoitsuak espero dira arratsaldean, eta txingorra botatzeko arriskua ere badago. Dena den, badirudi ez direla bart bezain gogorrak izango.
Ikusi berriz uztailaren 12ko entzierroa
Entzierro azkarra, korrikaldi ikusgarriekin, eta tentsio uneak zezen plazan
Jose Escolar Avilako ganadutegiko zezenek aurtengo sanferminetako entzierro azkarrenetakoa korritu dute, garbia, korrikaldi ikusgarriekin, baina amaieran nahasi dena, zezen plazan; izan ere, zezenetako bat atzean geratu da bertan, eta korrikalariei oldartu arren, ez du minik egin, baina entzierroa 2 minutu eta 40 segundora arte luzatu du. Jendetza elkartu da ibilbidean, larunbatetan ohikoa den legez, eta entzierroa bi minutu atzeratu da Santo Domingoko balkoi baten zati bat erori delako. Gizon bati erori zaio gainera, eta sorbaldan zauritu du. Gauean botatako euriak ez du Jose Escolarren zezenen lasterketa mantsotu, irrist egin gabe osatu dute ibilbidea, erritmo onean, eta korrikalariei adar artean lasterraldi ederrak egiten utzi diete. Ganadutegi honetako zezenek hirugarren urtez jarraian ez dute adarkaturik utzi. Lehenengo balantzearen arabera, kolpeak hartu dituzten lau pertsona eraman dituzte ospitalera, eta beste bat zezen plazan bertan artatu dute.
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.